ᐅᓯᒐᑦᓴᓂᒃ ᐱᒍᑦᔨᕕᕗᑦ
ᐴᕐᑐᑕᐅᓯᒪᑦᓱᐃᑦ ᒥᑭᔪᐊᐱᐅᒐᓗᐊᕐᐸᑕ ᐅᖁᒣᑦᑐᐊᓗᒐᓗᐊᕐᐸᑕᓘᓐᓃᑦ, ᐱᓇᓱᒐᕆᒐᑦᑎᒍᑦ ᐅᓯᒍᑦᔨᒍᓐᓇᐳᒍᑦ ᐱᓀᓗᑦᓯᓯᒪᒍᓐᓀᓗᑕ, ᓇᒧᑐᐃᓐᓇᖅ ᑐᕌᒐᓗᐊᕐᐸᑕ.
ᓱᓗᒃᐹᒃ – ᐅᓯᔭᐅᑎᑦᓯᓂᕐᓄᑦ ᐴᑦᓴᔦᑦ
ᐃᓄᐃᑦ ᖃᖓᑦᑕᔫᖏᑦ ᓱᓗᒃᐹᑎᒍᑦ ᐅᓯᒍᑦᔨᓂᒃᑯᑦ ᐱᒍᑦᔨᒍᑎᖃᓲᖑᕗᖅ ᐊᑦᔨᒋᔭᐅᖕᖏᓯᐊᕐᑐᒥᒃ.
ᓱᒃᑲᑦᑑᓱᓂ, ᐊᑭᑐᔪᐊᓗᒐᓂᓗ ᐊᒻᒪᓗ ᐅᖁᒣᓐᓂᖏᑦ 2.2 ᑭᓗᑯᔮᒻ ᒥᑦᓯᑎᓐᓃᑐᐃᑦ ᐊᑭᖃᑎᒌᑐᐃᓐᓇᐅᓲᖑᑦᓱᑎᒃ ᓇᒧᑐᐃᓐᓇᖅ ᑎᑭᕝᕕᒋᓲᑦᑎᓄᑦ ᐱᑦᔪᔨᒍᓐᓇᓲᖑᔪᒍᑦ ᖃᖓᑦᑕᔫᒧᑦ/ᑎᒻᒥᔫᒧᑦ ᐊᐅᓪᓚᓂᐊᓕᕐᒥᔪᒧᑦ ᐅᓯᔭᐅᓚᖓᑎᓪᓗᒋᑦ.
ᐱᕕᑭᑦᑐᑎᑦᓯᒍᑏᑦ ᐃᓚᖏᑦ ᐊᑐᕐᑎᑕᐅᔪᑦ:
- ᐃᓕᒪᓇᕐᑐᑦ ᓱᓇᐅᓂᖏᑦ ᐊᓪᓚᑕᐅᓯᒪᔪᑦ IATA-ᑯᑦ ᐃᓕᒪᓇᕐᑐᓂᒃ ᐊᓪᓚᓯᒪᔪᖁᑎᑎᒍᑦ ᒪᓕᒐᖃᕐᑎᓯᒍᑎᖏᓐᓂ.
- ᓱᓇᑐᐃᓐᓀᑦ ᐊᑭᑐᔪᔭᑦᓴᔦᑦ ᓲᕐᓗ ᐃᓪᓕᓇᕐᑐᒪᕆᑦᓴᔦᑦ ᑭᑭᐊᑦ, ᓇᒃᒍᐊᒥᐅᑌ, ᑕᓕᐊᑦ, ᑮᓇᐅᔦᑦ ᐊᓯᖏᓪᓗ.
- ᓱᔪᓲᑦ (ᓂᓪᓕᓇᕐᑐᖃᐅᑎᒦᒋᐊᓖᑦ ᖁᐊᖑᕆᐊᓖᓪᓗ)
- ᑎᒍᒥᐊᒉᑦ ᐅᖄᓚᐅᑏᑦ ᐅᕝᕙᓗᓘᓐᓃᑦ ᐃᑯᒪᐅᑏᑦ ᓲᖑᓯᓴᕆᐊᖃᓲᑦ
ᑐᑭᓯᒋᐊᒃᑲᓂᕆᑦ, ᖃᐅᔨᒋᐊᕐᕕᒋᓗᒋᑦ cargo tariff ᐅᕝᕙᓘᓐᓃᑦ ᖃᐅᔨᒋᐊᕐᕕᒋᓗᒋᑦ Air Inuit Cargo Office ᓇᓪᓕᑐᐃᓐᓇᖏᑦ ᐃᓕᓐᓄᑦ ᖃᓂᓐᓂᐹᑐᐃᓐᓇᒦᑦᑐᑦ.
ᓯᕗᓪᓕᐅᔨᒐᑦᓴᓕᐊᖑᓯᒪᔪᑦ ᐅᓯᒐᑦᓭᑦ
ᓱᑲᑦᑐᓯᐊᒍᑎᓪᓗᒋᑦ ᐃᓱᐊᕐᑑᑎᓪᓗᒋᓪᓗ, ᓯᕗᓪᓕᐸᐅᑦᔭᒋᐊᓕᓐᓂᒃ ᐅᓯᒍᑦᔨᒍᓐᓇᓲᖑᕗᑦ ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ ᒥᕝᕕᓂ (ᐃᓚᖏᑦ ᒪᓕᒉᑦ ᐊᑑᑎᔭᐅᒋᖃᑐᐃᓐᓇᑐᑦ ᒋᐊᖃᓕᕈᑎᒃ)
ᓯᕗᓪᓕᐸᐅᑦᔭᐅᖁᔭᕐᓃᕕᒃ ᐅᓯᒐᑦᓴᓂᒃ ᐊᐅᓪᓚᑎᑕᐅᖁᔨᒍᕕᑦ, ᐱᒻᒪᕆᐅᑎᑕᐅᓂᕐᐸᐅᓗᑎᒃ ᐅᓯᒐᑦᓴᓕᐊᖑᒐᔭᕐᑐᑦ ᐊᒻᒪᓗ ᑎᑭᑦᓴᐅᑎᒋᒍᓐᓇᕕᓕᒫᖏᑦᑎᒍᑦ ᑎᑭᑦᑎᑕᐅᑦᓴᐅᑎᒋᒐᓱᐊᕐᓗᑎᒃ.
ᑐᑭᓯᒋᐊᒃᑲᓂᕆᑦ ᐱᓪᓗᒋᑦ ᓯᕗᓪᓕᐅᔭᐅᔪᑦᓴᓂᒃ ᐅᓯᑦᓴᓕᕆᓂᕐᒥᒃ ᐱᑦᔪᔨᒍᑏᑦ ᖃᐅᔨᒋᐊᕐᕕᒋᓗᒋᑦ ᐅᑯᐊ Air Inuit Cargo -ᓕᕆᔩᑦ ᐊᓪᓚᕕᖓᓐᓂ ᐃᓕᓐᓄᐊᑦ ᖃᓂᓐᓂᐹᑐᐃᓐᓇᒥ.
ᐃᓘᓐᓈᓄᓕᖓᔪᑦ ᐅᓯᒐᑦᓭᑦ
ᐃᓘᓐᓈᒍᑦ ᐅᓯᑦᓴᓕᕆᓂᕐᒥᒃ ᐱᑦᔪᔨᒍᑏᑦ ᐅᓯᑦᓴᓕᕆᔨᐅᑦᓱᑎᒃ ᐱᕕᑦᓴᐅᓂᕐᓴᐅᑦ. ᑖᒃᑯᑎᒌᓇ ᐱᑦᔪᔨᒍᑎᑎᒍᑦ ᐃᓱᐊᕐᑐᕗᑦ ᐊᐅᓪᓚᑎᑦᓯᒋᐊᒥ ᐸᓂᕐᑐᓂᓪᓗ ᐃᒡᓗᓂᐅᑎᓂᓪᓗ.
ᐱᐅᓯᕐᓲᑎᑐᐃᓐᓇᐅᖏᑦᑐᑎᒍᑦ ᐊᐅᓪᓚᑎᑦᓯᓃᑦ
ᐱᐅᓯᕐᓲᑎᑐᐃᓐᓇᐅᖏᑦᑐᑎᒍᑦ ᐅᓯᒐᑦᓴᓂᒃ ᐱᒍᑦᔨᒍᑏᑦ ᓄᐃᑕᐅᓚᕿᓯᒪᕗᑦ ᑭᖕᖒᒪᒋᓪᓗᑯᐊᐱᑦᑕᖏᓐᓂᒃ ᓄᓇᕕᒻᒥᐅᑦ ᐊᑐᐃᓐᓇᐅᕕᐅᑎᑦᓯᒐᓱᐊᒧᑦ, ᐃᓄᐃᑦ ᐱᐅᓯᑐᖃᖏᓐᓄᑦ ᖃᐅᑕᒫᓪᓗ ᐃᓅᓯᖏᓐᓄᑦ ᐃᓕᖓᔪᓂᒃ ᐊᑭᑭᓪᓕᒋᐊᕐᓯᒪᑎᓪᓗᒋᑦ ᐅᓯᒍᑦᔨᓲᖑᔪᒍᑦ ᓄᓇᓕᓕᒫᓂ. ᓂᕿᑐᐃᓐᓀᑦ ᐊᐅᓪᓚᑎᑕᐅᒍᓐᓇᒥᔪᑦ, ᓱᔪᑦᑎᑌᓕᑦᓯᐊᕆᐊᓕᓪᓗ, ᓱᔪᒍᐊᕐᑐᐃᓗ ᓂᐅᕕᐊᑦᓭᑦ, ᖃᔭᕆᐊᑦ ᕿᐊᕐᖑᔫᖏᑦ/ᐊᐅᓚᐅᑎᖏᑦ, ᓯᑭᑑᑦ ᐊᒻᒪᓗ ᐊᑦᓴᓗᐊᓕᑲᓪᓚᐅᓱᑎᒃ ᐃᖏᕐᕋᑏᑦ.
ᐱᓪᓗᑯᒋᐊᓕᒃᑯᑦ ᐅᓯᑲᑦᑕᑎᐅᓂᕐᒥᒃ ᐱᑦᔪᔨᒍᑎᐅᔪᑦ ᐃᓅᒐᓱᒋᐊᖃᕐᓂᑯᑦ ᓱᖏᕐᑑᑎᐅᑦᓱᓂ, ᑌᒪᖕᖓᑦ ᑮᓇᐅᔭᕐᑐᓂᖃᓪᓗᐊᕋᓂ. ᑐᑭᓯᒋᐊᒃᑲᓂᕆᑦ ᑖᒃᑯᓂᖓ ᐱᓪᓗᑯᒋᐊᓕᓐᓅᓕᖓᔪᓂᒃ ᐅᕙᖕᖓᒃ Air Inuit Cargo Service Team.
ᐅᓯᒐᑦᓴᓂᐊᕐᑎᓕᒫᑦ ᖃᖓᑦᑕᔫᑦ ᐊᑦᑕᑐᐊᕐᑕᐅᓲᒍᓂᖏᑦ
ᓈᒻᒪᓯᐊᕐᑐᖅ ᐊᒥᓱᓂᒃ ᐅᓯᒋᐊᒥᒃ ᐱᑐᑦᓯᒪᐅᑎᔪᖁᑎᑦᑎᓄᑦ ᓯᓚᑎᑦᑎᓄᒐᓴᒃ, ᐅᓪᓗᐃᑦ ᐱᔭᕇᕐᕕᐅᓯᒪᒋᐊᓖᑦ ᒪᓕᑦᑕᐅᓯᐊᕆᐊᖃᕐᑎᓗᒋᑦ, ᐊᑦᑕᑐᐊᖃᕐᓂᖅ ᐅᓯᑲᑦᑕᐅᑎᓕᐊᖑᒪᔪᒥᒃ ᖃᖓᑦᑕᔫᒥᒃ ᐃᓱᐊᕐᑑᒍᓐᓇᖁᖅ ᐊᑭᖏᑎᒍᑦ ᐅᖁᒣᓗᐊᕋᓂ. ᖃᐅᔨᒋᐊᓪᓚᕈᒪᔭᖃᕈᕕᑦ ᖃᐅᔨᒋᐊᕐᕕᒋᓗᒋᑦ ᐱᓇᓱᑦᑎᕗᑦ
ᐃᓄᑐᐃᓐᓇᐅᓱᑏᑦ ᐃᓚᐅᒍᑎᖃᕐᓂᑯᑦ ᐱᕙᓪᓕᖁᑎᑖᕐᑕᐱᑦ?
ᐱᔭᖃᕈᓐᓇᕆᕗᑎᑦ ᐊᑭᑭᓕᒋᐊᕐᓯᒪᔪᒥᒃ ᐅᓯᔭᐅᑎᑦᓯᓂᕐᒥᒃ ᓇᑯᕐᒪᑕ ᐃᓚᐅᔫᖅ ᐱᓇᓱᒍᑎᑦᓴᓕᐊᖑᒪᔪᑦ.