ᐅᓯᔭᐅᓂᖏᑦ ᐃᓕᒪᓇᕐᑐᑦ ᐱᓂᕐᓗᕈᑎᐅᒍᓐᓇᓱᑎᒃ
ᐊᐅᓚᒍᑎᓄᑦ ᐊᐅᓚᑕᐅᓲᑦ ᐊᑦᑕᓇᕐᑐᐃᑦ ᓂᐅᕕᐊᑦᓭᑦ ᒪᓕᒐᖃᕈᑕᐅᓂᖏᑦ
ᐃᓄᐃᑦ ᒪᓕᑦᑕᖃᑦᓯᐊᐳᑦ ᐱᕕᑭᑦᑐᑎᑦᓯᒍᑎᓕᐊᖑᒪᔪᓂᒃ ᐅᓯᔭᖃᕐᓂᑯᑦ ᐃᓕᒪᓇᕐᓱᑎᒃ ᐱᓂᕐᓗᕈᑎᐅᑐᐃᓐᓇᕆᐊᓕᓐᓂᒃ ᓲᕐᓗ ᐅᕐᓱᐊᓗᓐᓂᒃ, ᖃᕋᕐᑎᕆᐅᑎᓂᒃ ᐊᓯᖏᓐᓂᓗ ᐃᓕᒪᓇᕐᑐᓂᒃ ᐅᓯᔭᐅᓲᓂᒃ. ᐃᓘᓐᓇᑎᒃ ᐅᓯᔭᐅᑎᑕᐅᔪᑦ ᒪᓕᑦᓯᐊᕆᐊᖃᕐᐳᑦ ᐱᖁᔭᓂᒃ ᒪᓕᒐᖃᕐᑎᓯᒍᑎᐅᔪᓂᓪᓗ ᐊᑐᕐᑕᐅᔪᓂᒃ ᐊᐅᓪᓚᑎᑦᓯᓂᖃᕐᑐᖃᓕᕐᑎᓗᒍ, ᖃᐅᔨᒪᑦᓯᐊᖏᑐᐊᕈᕕᑦ ᑖᒃᑯᓂᖓ ᒪᓕᒐᖃᕐᑎᑕᐅᒍᑎᓂᒃ, ᖃᐅᔨᒋᐊᕐᕕᖃᕆᐊᖃᕐᐳᑎᑦ ᐃᓕᒪᓇᕐᑐᓂᒃ ᐅᓯᑦᓴᓕᕆᓂᕐᒥᒃ ᖃᐅᔨᒪᔭᖃᑦᓯᐊᑐᒥᒃ.
ᐅᑯᐊ ᐊᐅᓪᓚᑎᑕᐅᒋᐊᖃᕐᐳᑦ ᐅᓯᒍᑎᒃᑯᑦ (ᒪᓕᒐᓪᓗᑯᐊᐱᓐᓂ ᐱᕕᑭᑦᑐᑎᑕᐅᒍᑎᒥᓂᒃ ᒪᓕᓪᓗᑎᒃ), ᓱᕐᖁᐃᑐᒥᒃ ᐅᓯᓕᕆᔨᓄᑦ ᑲᒪᒋᔭᐅᑦᓯᐊᖁᓪᓗᒋᑦ ᑲᒪᒋᔭᐅᒍᑎᒋᒋᐊᓕᒻᒥᒍᓪᓗ ᑲᒪᒋᔭᐅᖁᓪᓗᒋᑦ.
ᐋᓐᓂᐊᓯᐅᑏᓪᓗ ᐃᓅᓪᓗ ᓴᓗᒪᒐᓱᒍᑎᑦᓴᔭᖏᑦ ᐃᓄᒻᒧᑦ ᓇᑦᓴᑕᐅᒍᓐᓇᖁᑦ ᒥᑭᔪᖑᐊᖑᓗᑎᒃ.
ᐅᓯᓕᐅᑦᔭᐅᖃᔭᖕᖏᑐᑦ ᓱᓇᑐᐃᓐᓀᑦ
ᐱᑦᔪᑎᐅᑎᓪᓗᒋᑦ ᐱᓂᕐᓗᑲᓪᓚᑌᓕᒋᐊᖃᕐᓂᑎᒍᑦ ᐃᓱᒫᓗᒍᑎᐅᓲᑦ ᐃᓕᖓᑦᓱᑎᒃ ᐃᑯᒪᐅᑎᓄᑦ lithium-ᓕᓐᓄᑦ, ᐃᓄᐃᑦ ᑖᒃᑯᓂᖓ ᖃᖓᑦᑕᔫᑉ ᐃᓗᐊᓄᑦ ᓂᕈᒥᐊᕐᑕᐅᖃᑕᐅᑎᑦᓯᒍᓐᓇᖏᓪᓚᑦ, ᐃᑦᓯᕕᓐᓂᓗ ᐅᓯᔭᐅᑎᑦᓯᒍᑎᒃᑯᖁᔨᒐᑎᒃ, ᐅᕝᕙᓘᓐᓃᑦ ᐅᓯᔭᐅᑎᑕᐅᓗᑎᒃ. ᐃᓚᖏᑦ ᐱᐅᓕᓂᐊᒉᑦ ᐅᓯᔭᐅᒍᓐᓇᖏᑦᑐᑦ ᐃᓚᖃᕐᑐᑦ ᑲᒃᑯᓂᖓ:
- ᐳᖃᖓᑕᒍᑏᑦ ᓵᑦᑐᔮᑦ
- ᐃᑯᒪᐅᒻᒨᑐᑦ ᑐᑫᓛᒍᑏᑦ
- ᐃᑯᒪᐅᒻᒨᑐᑦ ᑫᑦᓴᐅᒥᒍᑏᑦ ᓵᑦᑐᔮᑦ/ᐊᑦᓴᓗᐊᓖᑦ
- ᒪᑭᑕᒍᓐᓇᑐᑦ ᐊᑦᓴᓗᐊᓖᑦ
ᐱᕕᑭᑦᑐᑎᑕᐅᔪᑦ
ᓄᓇᒃᑯᔫᑦ ᐃᓚᖏᑦ ᐅᓯᔭᐅᒍᓐᓇᖏᑦᑐᑎᑕᐅᕗᑦ ᐊᓯᖏᓪᓗ ᖃᑐᐃᓐᓇᕆᐊᖃᕐᓱᑎᒃ ᐱᐅᓕᓂᒉᑦ. ᐅᕐᓱᐊᓗᖃᐅᑏᑦ ᐃᓗᓖᕐᓯᒪᑦᓯᐊᓚᕆᒋᐊᓖᑦ ᐊᐅᓪᓚᑐᑦᓴᓕᐊᖑᓂᕐᒥ ᓯᕗᓂᖓᓂ.
ᐆᑦᑐᕋᐅᑎ : ᓯᑕᒪᓂᒃ ᐊᑦᓴᓗᐊᓖᑦ ᓄᓇᓯᐅᑏᑲᓪᓓᑦ, ᓯᑮᑐᐃᑦ, ᐃᑯᒪᐅᒻᒨᑐᑦ ᑭᓪᓘᑎᐊᓗᐃᑦ.
ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ ᐅᓯᖁᔭᐅᒐᓗᐊᕈᑎᒃ ᐊᖏᕐᖃᔭᑦᔭᖏᓪᓚᑦ ᐊᑦᑕᓇᕐᑐᓂᒃ ᐅᓯᒍᓐᓇᕕᒻᒥᑕ ᐅᖓᑖᓄᖕᖏᑐᐊᕐᐸᑕ ᑭᓯᐊᓂ.
ᖃᐅᔨᒋᐊᕐᕕᐅᒍᓐᓇᑐᑦ ᐃᓄᐃᑦ ᖃᖓᑦᑕᔫᖏᑦᑕ/ᑎᒻᒥᔪᖏᑦᑕ ᐅᓯᒐᑦᓴᓕᕆᓂᕐᒧᑦ ᐱᒍᑦᔨᕕᖏᑦ ᖃᐅᔨᒐᓱᐊᕐᕕᒋᓗᒋᑦ ᖃᓄᖅ ᓈᒻᒪᓈᕐᓂᐹᑎᒍᑦ ᐊᑦᑕᓇᖕᖏᓂᕐᐹᑎᒍᓪᓗ ᐃᓄᐃᑦ ᖃᖓᑦᑕᔫᖏᑦᑎᒎᕐᑎᑕᐅᒍᓐᓇᒪᖔᑕ ᐊᑦᑕᓇᕐᑑᓱᑎᒃ ᖃᓄᐃᑦᑐᑐᐃᓐᓀᑦ.
ᐊᐱᕐᓲᑎᑦᓴᖃᕐᖀᑦ?
ᑐᑭᓯᒋᐊᒃᑲᓂᕈᒪᒍᕕᑦ ᐃᓕᖓᔪᓂᒃ ᐅᓯᔭᐅᑎᑦᓯᓂᕐᓄᑦ ᐃᓕᒪᓇᕐᑐᓂᒃ ᑕᑯᒋᐊᒃᑭᑦ ᐊᓪᓚᓯᒪᔪᖁᑕᐅᔪᑦ ᐅᕙᓂ Transport Canada website.