ᐊᒥᐊᔨᒪᒻᒪᕆᒻᒥ ᓇᒧᑐᐃᓐᓇᓯᐊᖅ ᖃᖓᑦᑕᔫᒥᒃ ᐊᑦᑕᑐᕐᓗᑎᒃ ᓇᒧᑐᐃᓐᓇᖅ ᐁᑎᑕᐅᒍᒪᔪᐃᑦ ᐊᑦᑕᑐᕈᓐᓇᑐᑦ ᖃᖓᑦᑕᔫᒥᒃ ᖃᖓᑐᐃᓐᓇᓯᐊᖅ.
ᓱᒨᑦ ᐃᓄᐃᑦᑯᓐᓂ ᖃᖓᑦᑕᔫᒥᒃ ᐊᑦᑕᑐᐊᖃᕐᓗᑎᑦ?
ᐊᑦᑕᑐᐊᕐᕆᔭᐅᓕᕐᒪᑕ (ᓵᑕᕐᑕᐅᓕᕐᒪᑕ) ᐃᓄᐃᑦ ᖃᖓᑦᑕᔫᖏᑦ, ᐱᓇᓱᑦᑎᕗᑦ ᓱᓇᓕᒫᓂᒃ ᑲᒪᒋᔭᖃᓲᖑᕗᑦ ᐱᒍᓐᓇᓂᖃᓪᓚᕆᑦᓱᑎᒃ ᐊᒻᒪᓗ ᐃᓄᓐᓂᒃ ᐊᑐᓂ ᐃᑉᐱᒋᑦᓯᐊᓱᒋᑦ ᐱᒍᑦᔨᓂᖃᓲᒍᑦᓱᑎᒃ.
ᑮᓇᐅᔭᕐᑐᓂᖃᓪᓗᐊᕈᓐᓀᓗᑎᑦ
ᓴᖑᔭᕋᕈᓐᓇᓂᕐᓗ ᓇᖏᐊᕐᓇᖏᑦᑐᒦᓐᓂᓗ
ᐊᒥᓲᓂᑦᓭᑦ ᐊᐅᓪᓚᕕᐅᔪᓐᓇᑐᑦ, ᐃᓱᒫᓗᓐᓇᖏᓐᓂᓭᓪᓗ
ᖃᖓᑦᑕᔫᖅ ᓈᒻᒪᒋᔭᖓᑦ ᑭᖕᖒᒪᑦᓯᒍᑎᑉᐱᑦ
ᐊᑦᑕᑐᐊᖕᖑᑎᑦᓯᓂᕐᒧᑦ ᐱᒍᑦᔨᒍᑎᒋᓲᕗᑦ
ᑮᓇᐅᔭᓕᐅᕋᓱᐊᕐᑏᑦ ᐊᐅᓚᒍᑎᖏᑦ
ᑮᓇᐅᔭᓕᐅᕋᓱᐊᕐᑎᐅᓂᒃᑯᑦ ᐊᐅᓪᓚᕈᒪᒍᑦᓯ, ᐃᓄᐃᑦ ᖃᖓᑦᑕᔫᖃᕐᐳᖅ ᒥᑭᔫᑦᓱᓂ ᓱᑲᑦᑐᔭᒥᒃ King Air 350-ᓕᒻᒥᒃ ᐱᐅᓯᐅᒥᒋᐊᕐᓱᒍ ᐃᓱᐊᕐᓯᓕᑎᕐᓯᒪᑦᓯᐊᑐᒥᒃ, ᓂᕈᑦᑐᕆᐊᕐᓯᒪᔪᒥᒃ ᐱᓇᓱᕝᕕᓴᖃᑦᓯᐊᑐᖅ ᓯᑕᒪᐅᔪᕐᑐᓂᒃ ᐃᓄᓐᓂᒃ ᐅᓯᒍᓐᓇᓱᓂ, ᕿᑐᒪᕐᓵᓴᔭᓂᒃ ᓯᓚᑉᐱᐊᓕᓐᓂᒃ ᐃᑦᓯᕙᐅᑕᖃᕐᓱᓂ ᐊᒻᒪᓗ ᓵᖏᑦ/ᒪᖏᑦᑕᖏᑦ ᐲᓲᒍᑦᓱᑎᒃ, ᐱᕙᓪᓕᖁᑎᑦᓯᐊᓂᒃ ᖃᖓᑕᑎᑕᐅᒍᓐᓇᓯᐊᕐᖁᓯ ᐊᓕᐊᓇᕐᑐᑎᒍᑦ.
ᐊᒥᓱᐃᖑᑦᓱᑎᒃ ᐊᐅᓚᖃᑎᒌᑦᑐᑦ
ᐊᒥᓲᓗᓯ ᐅᐸᒍᒪᔭᓯᓐᓄᑦ ᑎᑭᐅᑎᑦᓴᐅᑎᒋᒍᒪᒍᑦᓯ ᖃᖓᑦᑕᔫᖃᓲᒍᓪᓗᐊᖏᑦᑐᒧᑦ, ᐃᓄᐃᑦ ᖃᖓᑦᑕᔫᖃᕐᐳᑦ ᐊᖏᓕᕆᑦᓱᑎᒃ ᐊᑦᔨᒌᑦᔭᖏᑦᑐᓂᒃ ᐊᒻᒪᓗ ᓇᓪᓕᐊᓂᑐᐃᓐᓇᖅ ᐊᑐᕈᒪᒍᑦᓯ ᐅᐸᒍᒪᔭᑦᓯᓐᓅᑕᐅᑦᓴᐅᑎᒋᒍᓐᓇᖁᓯ ᐊᑭᑐᔪᐊᓘᑦᔭᖏᒻᒪᑕ.
ᐋᓐᓂᐊᕕᒻᒧᑦ ᐅᐃᒪᓇᕐᓯᔪᑦ
ᖃᖓᑦᑕᔫᖃᓪᓗᑯᒐᑦᑕ ᐅᐃᒪᓇᕐᓯᔪᓕᕆᔨᓂᒃ ᐊᒻᒪᓗ ᐱᒋᐅᕐᓴᑎᑕᐅᓯᒪᑦᓯᐊᑐᓂᒃ ᐱᓇᓱᑦᑎᖃᕋᑦᑕ, ᐃᓄᐃᑦ ᖃᖓᑦᑕᔫᖏᑦ ᐋᓐᓂᐊᕕᓕᐊᕆᐊᖃᕐᓱᑎᒃ ᐅᐃᒪᓇᕐᓯᔪᓂᒃ ᐅᐸᑦᓯᒍᓐᓇᓲᑦ ᑎᑭᐅᑎᒐᓱᐊᕆᐊᒥᒃ ᐃᓱᐊᕐᑐᑐᐃᓐᓇᐅᔭᖏᑦᑐᓄᑦ ᓄᓇᓕᓐᓄᑦ. ᖃᐅᔨᒋᐊᒃᑲᓂᕈᒪᒍᑦᓯ ᐅᐃᒪᓇᕐᓯᓱᑎᒃ ᐋᓐᓂᐊᕕᓕᐊᑎᑕᐅᒋᐊᓕᓐᓂᒃ ᐱᒍᑦᔨᒍᑎᒋᓲᑦᑕ ᒥᑦᓵᓄᑦ, ᖃᐅᔨᒋᐊᕐᕕᖃᕈᓐᓇᖁᓯ ᐅᐃᒪᓇᕐᓯᔪᓂᒃ ᑲᒪᒋᔭᖃᓪᓚᕆᓲᓂᒃ ᐱᓇᓱᑦᑎᓂᒃ ᐅᖄᓚᓗᓯ ᐆᒧᖓ: 1-866-661-8456 (ᑫᕙᓪᓚᒍᓯᓂ/ᐃᑲᐅᕐᓂᓂ 24-ᓂ ᐅᓪᓗᓕᒫᖅ ᐅᓐᓄᐊᓕᒫᓪᓗ ᐊᑐᐃᓐᓇᐅᒪᓲᑦ ᐅᓪᓗᑕᒫᑦ) ᐅᕝᕙᓘᓐᓃᑦ ᖃᕆᑕᐅᔭᑎᒍᑦ ᐊᓪᓚᕕᐅᒍᓐᓇᒥᔪᒍᑦ.
ᖁᕕᐊᓇᕐᑐᑯᑦ ᐃᓕᑦᓯᓄᑦ/ᐃᓕᓐᓄᑦ ᐃᓕᖓᑦᓯᐊᑐᓂᒃ ᐊᑦᑕᑐᐊᖃᕈᓐᓇᖁᓯ
ᐱᓇᓱᑦᑎᕗᑦ ᐸᕐᓀᓯᒪᑦᓯᐊᕈᓐᓇᓲᒍᕗᑦ ᖃᖓᑕᔪᓄᑦ ᓂᕆᔭᐅᒍᒫᕐᓂᐊᑐᓂᒃ ᐊᑭᑐᔪᐊᓗᑦᔭᖏᓐᓇᒥᒃ ᐊᑭᓂᑦᑕᐅᒍᓐᓇᓯᐊᕐᑐᓂᒃ. ᐃᓄᐃᑦ ᖃᖓᑦᑕᔫᖏᑦ ᐊᑦᑕᑐᐊᑕᐅᒋᐊᒥᒃ ᐊᑭᓂᑦᓴᐅᖏᑦᑐᐊᓘᑦᔭᖏᓪᓚᑦ ᐊᑭᑭᑦᑑᓂᕐᓴᒪᕆᐅᒻᒪᑕ ᐊᒻᒪᓗ ᐅᐸᑦᑕᐅᒍᒪᔪᒧᑦ ᓱᑲᓐᓂᓴᐅᓗᑎᒃ ᑎᑭᒍᓐᓇᓂᕐᓴᐅᒍᓐᓇᓱᑎᒃ ᐊᑦᑕᑐᐊᕐᑐᐃᑦ ᖃᖓᑦᑕᔫᑎᓐᓂᒃ ᐃᓱᒫᓗᒍᓐᓀᓗᓂ.
ᖃᖓᑦᑕᔫᖅ ᓈᒻᒪᒋᔭᖓᑦ ᑭᖕᖒᒪᑦᓯᒍᑎᑉᐱᑦ
ᖃᖓᑦᑕᔫᕋᓗᖁᑎᕗᑦ ᐳᔪᓕᐊᓗᒃ 737 ᐊᒻᒪᓗ ᑖᔅ-8 ᐋᕐᕿᓱᕆᐊᕐᑕᐅᒍᓐᓇᐳᑦ ᐃᓱᐊᕐᓯᑎᓪᓗᒋᑦ ᐅᓯᒋᐊᖃᓕᕐᑕᑐᐃᓐᓇᖏᓐᓄᑦ ᐃᓄᓐᓄᓗᓐᓃᑦ ᐅᓯᑦᓴᑐᐃᓐᓇᓄᓪᓗᓃᑦ. ᒪᕐᕈᓕᐊᕈᕗᑦ, ᒥᑭᔫᑦᓱᑎᒃ ᓱᑲᑦᑐᔭᐅᑦᓱᑎᒃᓗ, ᓈᒻᒪᓈᕐᓯᒪᑦᓯᐊᑐᒥᒃ ᐊᑐᕐᑕᐅᒍᓐᓇᓯᓯᒪᔪᑦ ᐅᑭᐅᕐᑕᑐᒥ ᐱᓇᓱᒋᐊᓕᒻᒥᓄᑦ. ᐱᓇᓱᒐᕐᓅᕕᑦ ᐊᐅᓪᓚᕆᐊᖃᕐᓂᑎᓐᓄᑦ, ᖃᖓᑦᑕᔫᓚᕋᖅ ᑭᖕᐃᐊ 350-ᓕᒃ ᓈᒻᒪᓯᐊᕐᑐᖅ, ᐃᑭᒻᒪᕕᖃᐅᑎᖓ ᐃᓱᐊᕐᑐᓕᐊᖑᓯᒪᑦᓱᓂ, ᐱᓇᓱᕝᕕᓯᐊᖑᑦᓱᓂ ᐃᑦᓯᕙᐅᑕᖃᕐᓱᓂ ᐊᕿᓗᑕᖃᑦᓯᐊᑐᓂᒃ ᐱᓇᓲᒐᕐᕕᒋᐅᒍᓐᓇᓯᐊᕐᓱᓂ ᓵᖃᑦᓯᐊᕋᒥ ᐊᒻᒪᓗ ᖃᕆᑕᐅᔭᐅᑉ ᐊᓪᓚᓯᒪᔪᖃᐅᑎᐊᐱᖏᓐᓄᑦ ᑲᑉᐳᑎᑦᑕᕕᖃᑦᓯᐊᓱᓂ. ᓱᓇᐅᒐᓗᐊᕐᐸᑕ ᑭᖕᖒᒪᑦᓯᒍᑎᑎᑦ ᖃᓄᐃᑦᑐᓗᑯᐊᐱᐅᒐᓗᐊᕐᐸᑕ, ᖃᖓᑦᑕᔫᖁᑎᖃᑦᓯᐊᐳᒍᑦ ᐱᐊᓚᔫᒍᑎᒋᒍᓐᓇᑕᑎᓐᓂᒃ ᐃᓱᐊᕐᓯᓕᑎᕐᓯᒪᒐᒥᒃ ᑭᖕᖒᒪᑦᓯᒍᑎᑎᓐᓄᑦ.
ᒪᓐᑐᔨᐊᓪᒥ ᓇᒻᒥᓂᖅ ᖃᖓᑦᑕᔫᖃᐅᑎᕗᑦ
ᐃᓄᐃᑦ ᖃᖓᑦᑕᔫᖏᑦ ᑐᖕᖓᓇᕐᑐᐊᐱᒻᒥᒃ ᐊᐅᓪᓚᑎᒐᑦᓴᒥᓄᑦ ᓇᒻᒥᓂᖅ ᖃᖓᑦᑕᔫᖃᐅᑎᖃᕐᐳᒍᑦ ᐊᒥᓲᑦᓱᑎᒃ ᑲᑎᒪᓗᑎᒃ ᐊᐅᓪᓚᕈᒪᔪᓄᑦ ᐃᓱᐊᕐᑐᒪᕆᐊᓗᒻᒥᒃ ᐊᒻᒪᓗ ᐊᑐᕈᒥᓇᕐᑐᓯᐊᒍᑦᓱᓂ ᐊᐅᓪᓚᖃᑦᑕᓚᖓᔪᓄᑦ. ᓄᓇᕐᑯᔫᕆᔭᐅᔪᓂᒃ ᕿᑲᕐᑎᓯᕕᖃᑦᓯᐊᓱᑕᓗ ᖃᖓᑦᑕᔫᖃᐅᑎᑦᑎᓄᑦ ᖃᓂᑦᑑᓴᕋᒥ ᑌᒫᒃ ᒥᓗᕆᐊᔮᒥ. ᓂᕈᑐᔪᑦᓯᐊᒥᒃ ᐅᑕᕐᕿᕕᖃᕐᒪᑦ ᑕᙯᕐᓯᓇᑦᓯᐊᑐᖅ ᐅᕝᕙᓘᓐᓃᑦ ᖃᕆᑕᐅᔭᕐᕕᐅᒍᓐᓇᓱᑎᒃ ᐱᓇᓱᕝᕕᐅᒍᓐᓇᑐᓂᒃ ᐃᓂᖃᑦᓯᐊᓱᓂ.
ᐊᐱᕆᒍᑎᐅᒍᐊᕐᑐᑦ
ᖃᑦᓯᐅᐸᑖ ᐃᑭᒪᔪᑦᓭᑦ ᖃᖓᑦᑕᔫᒥ ᐊᑦᑕᑐᐊᖑᔪᒥ, ᖃᖓᑦᑕᔫᖅ ᐊᑭᖓ ᐱᕙᓪᓕᖁᑎᐅᓂᕐᓴᐅᒐᔭᕐᐸ?
ᐃᑭᒪᓚᖓᔪᑦ 6-ᖑᑉᐸᑕ ᖃᖓᑦᑕᔫᖅ ᐊᑦᑕᑐᐊᖑᓂᖓ ᐊᑭᑭᓐᓂᓴᐅᒐᔭᕐᑐᖅ.
ᒥᕝᕕᓕᐊᕈᑦᔨᒍᑎᒦᒃ ᐃᖏᕐᕋᐅᑎᖃᕐᐸ ᒥᕝᕕᒥᑦ ᐅᓯᓕᐅᑦᔨᓗᓂ ᖃᖓᑦᑕᔫᕐᓂᐊᕕᖁᑎᐅᔪᒧᑦ ᐁᒍᓐᓇᑐᒥᒃ?
ᖃᖓᑦᑕᔫᕐᓂᐊᕕᒃ ᓇᒻᒥᓂᖁᑎᒋᑦᓱᒍ ᓄᓇᒃᑯᔫᓄᑦ ᕿᑲᕐᕕᖁᑎᖃᕐᖁᑦ ᐅᑕᕐᕿᕕᒻᒧᑦ ᖃᓂᑦᑐᐊᐱᒻᒥᒃ. ᒥᕝᕕᐊᓗᒻᒥᑦ ᐱᔪᒥᒃ ᐅᓯᑲᑦᑕᐅᑎᖃᖕᖏᑐᖅ.
ᖃᓄᕐᖏᒃᑯᐊ ᖃᖓᑦᑕᔫᕐᓗ ᐊᑦᑕᑐᐊᖑᔪᖅ ᐊᑦᑕᑐᐊᖑᖕᖏᑐᕐᓗ ᐊᑦᔨᒌᖕᖏᑑᓂᓖᑦ?
ᖃᖓᑦᑕᔫᒥᒃ ᐊᑦᑕᑐᐊᖃᓕᕋᕕᑦ ᐃᓱᒪᒥᒍᓐᓇᐳᑎᑦ ᖃᓄᐃᑦᑐᒥᒃ ᖃᖓᑦᑕᔫᒥᒃ ᐊᑐᕈᒪᓚᖓᒻᒪᖔᕐᐱᑦ ᐃᓱᐊᕆᓂᐊᕐᑕᓂᒃ, ᓇᑭᓪᓗ ᐊᐅᓪᓚᕈᒪᓂᐊᕐᒪᖔᕐᐱᑦ ᓇᒧᓪᓗ ᐊᐅᓪᓚᕈᒪᒻᒪᖔᕐᐱᑦ ᐊᐅᓚᒍᒪᔭᑎᓐᓂᓗ ᐊᐅᓚᑦᓯᒍᓐᓇᕕᖃᑦᓯᐊᓱᑎᑦ ᓲᕐᓗ ᑫᕙᓪᓚᒍᓯᕐᒥᒃ ᐊᐅᓪᓚᕕᒋᒍᒪᔭᕐᓂᒃ ᐅᐸᑦᑕᓄᓪᓗᓃᑦ ᑎᑭᕝᕕᒋᒍᒪᔭᕐᓂᒃ ᓂᕆᔭᑦᓴᑎᓐᓂᓗ ᐃᒣᓕᖓᖁᔨᕗᖔᕈᓐᓇᕕᖃᑦᓯᐊᓱᑎᑦ.
ᖃᑦᓯᕌᐹ ᑕᒃᒐ ᖃᖓᑦᑕᔫᒥᒃ ᐊᑦᑕᑐᐊᖃᕐᓂᖅ?
ᖃᖓᑦᑕᔫᑉ ᐊᑦᑕᑐᐊᑉ ᐊᑭᖓ ᑐᖕᖓᕕᖃᕐᐳᖅ ᐊᒥᓱᓂᒃ. ᖃᑦᓯᕌᕐᒪᖔᑦ ᑐᑭᓯᓂᐊᕈᑏᑦ ᐊᓪᓚᓯᒪᔪᖕᖑᓗᒋᑦ ᐅᕝᕙᓘᓐᓃᑦ ᖃᖓᑦᑕᔫᓂᒃ ᐊᑦᑕᑐᐊᖑᓚᖓᔪᓂᒃ ᐋᕐᕿᓱᐃᔨᑦᑕ ᓇᓪᓕᑐᐃᓐᓇᖓᓄᑦ ᐅᖄᓗᑎᑦ ᐊᐱᕆᒍᑎᑦᓴᓕᒫᑎᓐᓂᒃ ᑭᐅᒪᑦᓯᐊᓂᐊᕐᒫᑎᑦ.
ᓇᓪᓕᐊᓃᒃ ᐊᐅᓪᓚᕕᐅᓲᒥᒃ ᐱᑦᔪᔭᖃᕐᐳᑦ?
ᖃᖓᑦᑕᔫᒥᒃ ᐊᑦᑕᑐᐊᖃᕐᓂᐅᑉ ᐃᓱᐊᕐᓂᖓ ᐃᓱᒪᒥᒍᓐᓇᕕᖃᕐᓃᑦ ᓇᓪᓕᐊᓄᑦ ᓄᓇᒧᑦ ᐁᑎᑕᐅᒍᒪᓂᒃᑯᑦ. ᖃᖓᑦᑕᔫᒥᒃ ᐃᓄᐃᑦᑯᓂᑦ ᐊᑦᑕᑐᐊᖃᓕᕈᕕᑦ, ᐊᒥᕆᑫᑦ ᓄᓇᕐᔪᐊᖓᓂ ᓇᒧᑐᐃᓐᓇᖅ ᐁᒍᓐᓇᕕᖃᑦᓯᐊᐳᑎᑦ.
