ᑭᖕᖒᒪᑦᓯᒍᑎᑎᒃ ᓯᕗᓪᓕᐅᔨᕙᕗᑦ ᓱᕐᖁᐃᑐᒥᓪᓗ ᑐᑭᓯᒪᒐᓱᓱᖑᕗᒍᑦ ᐱᑦᓯᐊᕈᓐᓇᕕᓕᒫᑦᑎᒍᑦ ᐱᑎᒍᒪᓪᓗᓯ, ᐊᐅᓚᓂᕐᓄᑦ ᐃᓕᖓᑉᐸᑕᓗᓐᓃᑦ ᐅᕝᕙᓘᓐᓃᑦ ᑮᓇᐅᔭᕐᑐᕈᑎᓅᓕᖓᑉᐸᑕ.
ᐱᒍᓐᓇᓂᖃᓪᓚᕆᑦᑐᓄᑦ ᓈᒻᒪᒋᔭᑦᓯᒍᑦ ᐱᒍᑦᔭᐅᓯᐊᕈᓐᓇᖏᓐᓇᕋᔭᕐᖁᓯ, ᑐᖕᖓᓱᑦᑎᓯᑦᓯᐊᓲᓄᑦ ᐱᓇᓱᑦᑎᑎᓐᓄᑦ, ᐱᓇᓱᒋᐊᓕᑦᑎᓂᒃ ᐱᓇᓱᐊᕐᑎᓗᑕ ᑕᑎᒋᔭᐅᑦᓯᐊᕈᑦᑕ ᖃᖓᑦᑕᔫᑦᑎᓂᒃ ᐃᓱᐊᕆᔭᑦᓯᒍᑦ ᐊᑦᑕᑐᐊᕐᑕᓯᓐᓂᒃ ᑭᖕᖒᒪᒋᓪᓗᑯᐊᐱᑦᑕᓯᒍᑦ ᐱᒍᑦᔨᓗᑕ. ᐱᓇᓱᖃᑎᒌᑦᑐᖁᑎᑦᑎᓄᑦ ᐃᑲᔪᕐᑕᐅᓯᐊᓚᖓᕗᑦ ᐊᑐᐃᓐᓇᕈᕐᑎᕆᑎᓪᓗᑎᑦ ᐊᐅᓚᒍᑎᑦᓴᑎᓐᓂᒃ.
1
ᖃᐅᔨᒋᐊᕐᕕᒋᑎᒍᑦ
ᐊᑕᓐᓂᐅᕈᑎᖃᕆᑦ ᐊᑐᕐᓗᒋᑦ ᖃᕆᑕᐅᔭᑎᒍᑦ ᐊᓪᓚᓯᒪᔪᖕᖑᐃᒍᑎᑦᓴᔭᖁᑎᕗᑦ ᐅᖃᐅᑎᑎᒍᑦ ᑭᖕᖒᒪᑦᓯᒍᑎᑎᓐᓂᒃ. ᐊᑭᖃᖕᖏᑐᑦᓯᐊᓂ ᐊᑐᕐᓗᑎᒃ ᐊᓪᓚᓯᒪᔪᓕᐅᕆᑦ ᖃᓄᓪᓗᑯᐊᐱᒃ ᐱᑦᔪᔭᐅᒍᑎᒋᒍᒪᓛᕐᑕᑎᓐᓂᒃ, ᐊᓪᓚᒍᑎᒋᓗᒋᑦ ᓂᕆᕐᖃᔭᖕᖏᑕᑎᑦ ᐊᓪᓚᒍᑎᑎᑦ ᑎᑭᐅᑎᒍᓐᓇᒥᔪᑦ ᐊᖏᔪᖑᐊᖑᓗᐊᕐᑐᓂᒃ ᐅᓯᔭᐅᑎᑦᓯᒍᑎᖃᕋᓱᓐᓂᓄᑦ, ᖃᖓᑦᑕᔫᒥᒃ ᐊᑦᑕᑐᐊᑦᓴᓕᐅᕐᓂᒥᒃ ᐱᒍᓐᓇᑐᖁᑎᕗᑦ ᐊᑕᓐᓂᐅᕈᑎᑎᓐᓂᒃ ᐋᕐᕿᒍᑎᑦᓴᑖᕆᒍᓐᓇᓯᐊᕐᖁᑦ.
2
ᖃᐅᔨᒋᐊᕆᑦ
ᑐᑭᓯᓂᐊᕆᑦ ᖃᖓᐅᓕᕐᐸᑦ ᖃᖓᑕᔪᖃᕉᑕᕆᖕᖏᓂᖓᓂ ᖃᖓᑕᓂᖃᕋᔭᕐᒪᖔᕐᐱᑦ ᐊᕝᕕᖁᑦᑕᑕᐅᓪᓗᐊᓇᖕᖏᓂᖓᓂ, ᐅᐸᑦᑕᓄᓪᓗ ᑎᑭᐅᑎᓂᖃᕐᓗᑎᑦ ᐅᐸᒐᓱᒋᐊᖓ ᐱᔭᕐᓃᑐᒧᑦ ᖃᖓᑦᑕᔫᑎᒍᑦ ᖃᖓᑕᕕᑦᓴᓯᐅᕐᓯᒪᑎᒍ ᐅᕝᕙᓘᓐᓃᑦ ᐅᓯᑦᓴᓂᒃ ᐊᐅᓪᓚᑎᑦᓯᓗᑎᑦ ᑐᐊᕕᕐᑐᒥ ᐅᖓᓯᑦᑐᒧᑦ ᑎᑭᕝᕕᒋᒋᐊᓕᖓᓄᑦ. ᐱᓇᓱᖃᑎᒌᑦᑐᖁᑎᕗᑦ ᐃᑉᐱᒋᔭᖃᑦᓯᐊᓱᑎᒃ ᑲᒪᒋᔭᖃᓲᑦ ᐃᓘᓐᓇᖏᓐᓂᒃ ᐱᔪᓐᓇᓂᖃᑦᓯᐊᓱᑎᒃ ᐊᒻᒪᓗ ᐱᑦᔪᔭᒥᓐᓂᒃ ᐃᑉᐱᒋᔭᖃᑦᓯᐊᓱᑎᒃ, ᐱᓇᓱᓱᖑᔪᑦ ᖃᖓᑕᓂᑦᓴᖏᑕ ᖃᓄᐃᓕᖓᓂᑦᓴᖏᓐᓂᒃ ᖃᖓᑦᑕᐅᑎᑦᖏᓐᓂ ᒪᓕᑦᓱᑎᒃ ᑭᖕᒍᒪᑦᓯᒍᑎᐅᔪᓂᒃ.
3
ᐃᓱᐊᕆᓯᒋᑦ
ᑌᑲᓂ ᐅᓪᓗᒥ ᐊᐅᓪᓚᕕᑦᓴᖃᕐᕕᓯᓐᓂ, ᐱᓇᓱᑦᑎᑎᓐᓄᑦ ᑐᖕᖓᓱᑦᑎᑕᐅᓚᖓᕗᓯ ᐊᐅᓪᓚᖃᑎᒋᓚᖓᔭᓯᓗ ᖃᖓᑦᑕᔫᕐᓂᐊᕕᑦᑎᓂ ᒪᓐᑐᔨᐊᓯ ᐅᕝᕙᓘᓐᓃᑦ ᒥᕝᕕᒥ ᐊᐅᓪᓚᕕᒋᒍᒪᔭᑦᓯᓂ. ᓄᓇᒃᑯᔫᑦᓯᓂ ᕿᒣᒪᒍᓐᓇᓯᐊᓚᖓᔪᓯ ᖃᖓᑦᑕᔫᕐᓂᐊᕕᑦᑎᓂ, ᐅᑎᒧᑦ ᑎᑭᓕᕐᒥᒍᑦᓯ ᐃᓱᐃᓗᑕᖃᖕᖏᑐᑦᓯᐊᖑᓗᓯ ᐅᑎᓛᕐᓗᓯ, ᑕᕝᕙᓴᐅᑎᒋᒃ ᖃᖓᑦᑕᔫᒧᑦ ᐃᑭᒍᑎᑦᓴᑕᕆᐊᕐᑐᓯᑦᓴᐅᑎᒋᒍᓐᓇᓕᕐᖁᓯ.
4
ᖃᖓᑦᑕᓕᕆᑦᓯ
ᖃᖓᑦᑕᔫᑦᑎᓄᑦ ᐃᑭᓕᕆᑦᓯ ᐃᓱᕐᕆᓯᐊᓯᓗᓯᓗ. ᐱᕙᓪᓕᖁᑎᒋᓕᕐᓯᐅᒃ ᐱᑦᓯᐊᓯᒪᒻᒪᕆᑦᑐᑦ ᐱᑦᔪᔨᒍᑎᕗᑦ ᐃᓱᕐᕆᒋᔭᖃᓕᕆᑦᓯᓗ ᐱᒃᑯᒪᔭᕐᓱᓯᒪᔭᑦᓯᓂᓪᓗ ᓂᕆᓇᓱᓕᕆᑦᓯ, ᓴᓇᔭᐅᒪᔪᓂᒃ ᓂᕿᓕᕆᔨᕐᑎᓄᑦ ᐱᔪᒪᔭᓯ ᑐᖕᖓᕕᒋᑦᓱᒋᑦ. ᖃᖓᑦᑕᓕᕆᑦᓯᓗ ᐃᓱᒫᓗᒋᔭᖃᕈᓐᓀᓗᓯ ᓇᑯᕐᒪᑕ ᐱᔪᓐᓇᓂᖃᑦᓯᑐᑦ ᖃᖓᑦᑕᔫᒥ ᐱᓇᓱᑦᑎᖁᑎᕗᑦ, ᐊᕐᕌᒍᑦ 40 ᐅᖓᑖᓄᑦ ᖃᖓᑕᓲᑐᖃᐅᓕᕐᑐᑦ ᐅᑭᐅᕐᑕᑐᒃᑯᑦ ᐊᓯᑦᔨᖃᖕᖏᑐᒥᓕ ᓯᓚᖃᕐᓱᓃᕐᑐᑯᑦ.
