ᑭᖑᕙᕆᐊᕐᑐᑦ, ᐅᓂᑦᑐᑦ ᐊᒻᒪᓗ ᐊᑭᓖᒍᑎᕕᓂᕐᓂᒃ ᐅᑎᕐᑎᑕᐅᑎᑦᓯᓃᑦ

ᖃᖓᑦᑕᔫᖅ/ᑎᒻᒥᔫᖅ ᑭᖑᕙᕆᐊᕐᑕᐅᑐᐊᕐᐸᑦ ᐊᐅᓪᓚᕈᓐᓀᑎᑕᐅᑐᐊᕐᐸᓘᓐᓃᑦ ᓂᕆᐅᓐᓇᖏᑦᑐᑎᒍᑦ ᐱᓀᓗᑦᓯᓂᕐᒧᑦ, ᐱᒍᓐᓇᕕᓕᒫᑎᒍᑦ ᖃᓄᐃᓕᖓᓕᕐᒪᖔᑦᑕ ᑐᓴᐅᒪᑎᑦᓯᓯᐊᒋᐊᖃᕐᑐᒍᑦ ᑎᒻᒥᔪᕐᓂᐊᕕᒻᒥ ᐊᒻᒪᓗ ᐱᓀᓗᑦᓯᓂᑦᑎᓄᑦ ᓱᕐᕋᑕᐅᔪᓂᒃ ᑎᒻᒥᔫᒥᑦᑐᓂᒃ/ᖃᖓᑦᑕᔫᒥᑦᑐᓂᒃ. ᑐᓴᕐᑎᓯᑦᓴᐅᑎᒋᒐᓱᐊᓲᒍᔪᒍᑦ ᖃᓄᐃᓕᖓᓕᕋᓗᐊᕐᒪᖔᑦᑕ, ᑐᑭᓯᑎᑦᓯᒋᐊᖃᕐᓱᑕᓗ ᓱᒧᑦ ᑭᖑᕙᕆᐊᓚᕿᒻᒪᖔᑦᑕ ᐅᕝᕙᓘᓐᓃᑦ ᓱᒧᑦ ᐊᐅᓪᓚᕈᓐᓀᑎᑕᐅᓚᕿᒻᒪᖔᑦ ᖃᖓᑦᑕᔫᖅ/ᑎᒻᒥᔫᒥᖅ:

• ᖃᐅᔨᒪᑦᓴᓕᑐᐊᕈᑦᑕ ᑭᖑᕙᓚᖓᔪᒥᒃ ᐅᕝᕙᓘᓐᓃᑦ ᐅᓂᑦᑐᒥ, ᐊᓱᐃᓛ;
• ᑫᕙᓪᓚᒍᓯᐅᑉ/ᐃᑲᐅᕐᓂᐅᑉ ᕿᑎᕐᖃᖓ ᓈᑐᕐᐸᑦ ᑭᓯᐊᓂ ᐊᐅᓪᓚᕚᓪᓗᓚᖓᑐᐊᕐᐸᑦ ᖃᖓᑦᑕᔫᖅ/ᑎᒻᒥᔫᖅ, ᐅᕝᕙᓘᓐᓃᑦ ᐅᓯᔭᕗᑦ ᐃᓄᐃᑦ ᐊᓯᐊᒍᑦ ᐊᐅᓪᓚᕕᑦᓴᖏᑦ ᐋᕐᕿᑕᐅᒋᑐᐊᕐᐸᑕ;
• ᖃᐅᔨᒪᔭᐅᒋᐊᓕᓐᓂᒃ ᑐᓴᕋᑦᓴᑖᑦᓴᑐᐊᕈᑦᑕ ᑐᓴᕐᑎᓯᑦᓴᐅᑎᒋᒐᔭᕐᑐᒍᑦ.

ᐃᓚᖓᓂ ᖃᖓᑦᑕᔫᑦ/ᑎᒻᒥᔫᑦ ᑭᖑᕙᕐᑎᑕᐅᓲᑦ ᐊᒻᒪᓗ ᐊᐅᓪᓚᕈᓐᓀᑦᑕᐅᑦᓱᑎᒃ ᖃᖓᑦᑕᔫᖁᑎᓖᑦ ᐊᐅᓚᑦᓯᒍᓐᓇᕕᖏᑦᑎᒍᑦ, ᐃᓚᖓᓂᓗ, ᐊᐅᓚᑦᓯᒋᐊᓪᓚᕕᖃᓲᒍᑦᔭᒐᑎᒃ ᓯᓚᕐᓂᓗᒻᒪᕆᓕᑐᐊᕐᒪᑦ ᐅᕝᕙᓘᓐᓃᑦ ᑎᒻᒥᔪᕐᓂᐊᕕᒃ ᐱᑦᔪᑎᐅᑎᓪᓗᒍ ᐊᒥᓱᓗᐊᕐᑐᐃᑦ ᖃᖓᑦᑕᔫᑦ/ᑎᒻᒥᔫᑦ ᐊᑕᐅᑦᓯᑯᑦ ᒥᒐᓱᐊᕆᐊᓖᑦ ᑎᑭᒐᓱᐊᕐᑐᐃᓐᓇᐅᓕᑐᐊᕐᐸᑕ, ᑕᒪᒃᑯᓂᖓ ᐊᐅᓚᑦᓯᒋᐊᓪᓚᕕᖃᓲᒍᑦᔭᖏᑦᑐᒍᑦ. ᓱᓇᑐᐃᓐᓀᑦ ᐱᑦᔪᑎᐅᑎᓪᓗᒋᑦ ᖃᖓᑦᑕᔫᑦ/ᑎᒻᒥᔫᑦ ᑭᖑᕙᕆᕐᑕᐅᑐᐊᕐᐸᑕ ᐊᐅᓪᓚᕈᓐᓀᑎᑕᐅᑐᐊᕐᐸᓘᓐᓃᑦ, ᑎᒻᒥᔪᕐᓂᐊᕕᒻᒥ ᐱᓇᓱᑦᑎᕗᑦ ᐱᕕᓕᒫᒥᒍᑦ ᐃᑲᔪᕐᓯᒪᒐᓱᐊᖃᑦᑕᓚᖓᔪᑦ ᐃᓕᑦᓯᓂᒃ.

ᖃᖓᑦᑕᔫᖅ/ᑎᒻᒥᔫᖅ ᑭᖑᕙᕆᐊᕐᑕᐅᑐᐊᕐᐸᑦ ᐊᐅᓪᓚᕈᓐᓀᑎᑕᐅᑐᐊᕐᐸᓘᓐᓃᑦ ᖃᓄᑐᐃᓐᓇᖅ ᐃᐊ ᐃᓄᐃᒃᑯᑦ ᐊᐅᓚᑦᓯᒋᐊᓪᓚᕕᖃᕈᓐᓀᑎᓪᓗᒋᑦ, ᐅᑦᑑᑎᒋᓗᒍ ᓯᓚ ᐱᑦᔪᑎᐅᑎᓪᓗᒍ, ᐃᑲᔪᕐᓯᒪᐅᑎᖃᕈᓐᓇᑐᒍᑦ ᐅᑯᓂᖓ:

• ᐃᐊ ᐃᓄᐃᒃᑯᑦ ᐊᐅᓪᓚᕈᓐᓇᖏᑦᑐᕕᓃᑦ ᐊᐅᓪᓚᕕᑦᓴᖏᓐᓂᒃ ᐊᑐᐃᓐᓇᕈᕐᑎᒐᔭᕐᑐᑦ ᖃᖓᑦᑕᔫᖃᓕᕐᒥᐸᑦ/ᑎᒻᒥᔫᖃᓕᕐᒥᐸᑦ ᐊᐅᓪᓚᕈᑎᑦᓴᖏᓐᓂᒃ ᐊᕐᕿᑐᐃᒍᑦᔨᒐᔭᕐᑕᕗᑦ, ᐊᒻᒪᓗ ᐅᑎᕈᑎᑦᓴᖏᑦ ᐊᓯᑦᔨᓗᒋᑦ, ᒋᐊᖃᑐᐊᕐᐸᑕ, ᐊᑭᖃᒋᐊᓪᓚᕋᔭᖕᖏᑐᑦ ᐊᐅᓚᒍᑎᑦᓴᖏᑦᑕ ᐊᑦᓯᔨᑕᐅᒍᑎᖏᑦ; ᐅᕝᕙᓘᓐᓃᑦ ᐃᑭᒍᑌᕈᑎᕕᓂᖏᑦᑕ ᐃᓚᖏᑦ ᐅᑎᕐᑎᑕᐅᒍᓐᓇᓱᑎᒃ;
• ᐅᖄᓚᒍᓐᓇᑎᑕᐅᓲᑦ ᑐᓴᐅᒪᑎᒍᒪᔭᒥᓂᒃ ᖃᓄᐃᓕᖓᓕᕐᒪᖔᕐᒥᒃ.

ᖃᖓᑦᑕᕈᑎᐅᓚᖓᔪᖅ ᑭᖑᕙᕆᐊᕐᑕᐅᑐᐊᕐᐸᑦ ᐊᐅᓪᓚᕈᓐᓀᓯᑕᐅᑐᐊᕐᐸᓘᓐᓃᑦ ᐃᐊ ᐃᓄᐃᒃᑯᑦ ᐊᐅᓚᑦᓯᒍᓐᓇᕕᖃᒐᓗᐊᕐᓗᑎᒃ ᐊᑦᑕᓇᕐᑑᔪᕆᑦᓯᐸᑕ, ᖃᖓᑦᑕᔫᖅ/ᑎᒻᒥᔫᖅ ᐱᓪᓗᑯᑦᑕᐅᒋᐊᓕᑎᒍᑦ ᐃᓱᐃᓪᓗᑕᖃᑐᐊᕐᐸᑦ ᖃᖓᑦᑕᓴᐅᑎᒋᓚᖓᓕᕐᓱᓂ ᐊᒻᒪᓗ ᐅᑕᕐᕿᒋᐊᖃᓚᕿᑎᓪᓗᒋᑦ ᐊᐅᓪᓚᕋᓱᐊᕐᑐᐃᑦ ᑫᕙᓪᓚᒍᓯᓐᓂ/ᐃᑲᐃᓃᓂ ᒪᕐᕈᓂ ᐊᐅᓪᓚᕕᒋᒋᐊᓕᕕᓂᕐᒥᓂ, ᐃᑲᔪᕐᓯᒪᐅᑎᖃᒋᐊᖃᕐᑐᒍᑦ ᐅᖃᑦᑕᐅᕋᑖᖃᑦᑕᑫᓐᓇᑐᓂᒃ ᐊᒻᒪᓗ ᐃᑲᔪᕐᓯᒪᐅᑎᖃᒋᐊᓪᓚᒋᐊᖃᕐᒥᔪᒍᑦ ᐅᑯᓂᖓ:

• ᓂᕆᑎᑦᓯᒐᔭᕐᑐᒍᑦ ᐃᒥᕋᑦᓴᓂᓪᓗ ᓈᒻᒪᒐᓱᐊᕐᑐᓂᒃ, ᖃᖓᓪᓗᐊᑎᒋᒃ ᐅᑕᕐᕿᒋᐊᖃᕐᓂᖏᑦ ᐃᓱᒪᒋᓗᒋᑦ, ᐅᓪᓘᓂᖓ ᐅᓐᓄᐊᒍᒻᒪᖔᓪᓗ ᐊᒻᒪᓗ ᑎᒻᒥᔪᕐᓂᐊᕕᐅᑉ ᓇᔪᕐᑕᖓ ᓇᓂᓐᓂᖓ ᐃᓱᒪᒋᒻᒥᓗᒍ;
• ᓯᓂᑦᑕᕕᒻᒦᑎᑦᓯᒐᔭᕐᑐᒍᑦ ᐅᕝᕙᓘᓐᓃᑦ ᓄᓇᓕᒻᒥᐅᒍᖕᖏᑐᐃᑦ ᐅᓯᔭᕗᑦ ᐃᓄᐃᑦ ᑐᔪᕐᒥᐅᕕᐅᒍᓐᓇᑐᐃᓐᓇᑐᓂ ᓯᓂᑦᑕᒋᐊᖃᓚᕿᑐᐊᕐᐸᑕ ᐅᓐᓄᐊᒥ, ᐱᕕᖃᑐᐊᕐᐸᑕ ᑭᓯᐊᓂ ᐊᒻᒪᓗ ᐅᖓᓯᓗᐊᕌᓗᖕᖏᑐᐊᕐᐸᑕ ᑎᒻᒥᔪᕐᓂᐊᕕᒻᒧᑦ, ᐊᐅᓚᒍᑎᖃᕐᑎᓯᒐᔭᕐᒥᔪᑦ ᓯᓂᑦᑕᕕᒻᒧᑦ ᐅᕝᕙᓘᓐᓅᑦ ᑐᔪᕐᒥᐅᕕᒋᓚᖓᔭᖏᓐᓄᑦ, ᐊᒻᒪᓗ ᑎᒻᒥᔪᕐᓂᐊᕕᒻᒧᑦ ᐅᑎᕐᑎᑕᐅᒍᓐᓇᕋᔭᕐᓱᑎᒃ ᖃᖓᑦᑕᕆᐊᕐᑐᒋᐊᖃᓕᑐᐊᕈᑎᒃ.

ᖃᖓᑦᑕᕈᑎᐅᓚᖓᔪᖅ ᑭᖑᕙᕆᐊᕐᑕᐅᑐᐊᕐᐸᑦ ᐊᐅᓪᓚᕈᓐᓀᑎᑕᐅᑐᐊᕐᐸᓘᓐᓃᑦ ᐃᐊ ᐃᓄᐃᒃᑯᑦ ᐊᐅᓚᑦᓯᒍᓐᓇᕕᖓᑎᒎᒐᓗᐊᕐᐸᑦ, ᐃᑭᒋᐊᓖᑦ ᐃᑭᓗᐊᑐᐊᕐᐸᑕ ᐅᓯᓚᖓᔭᖏᑦ ᐊᒻᒪᓗ ᑫᕙᓪᓚᒍᓰᒃ/ᐃᑲᐅᓃᒃ ᒪᕐᕉᓂ ᐅᑕᕐᕿᔪᕕᓂᐅᓗᑎᒃ ᐊᐅᓪᓚᕕᒋᒋᐊᖃᕋᔭᕐᑕᕕᓂᕐᒥᓂ, ᐃᑲᔪᕐᓯᒪᐅᑎᖃᕋᔭᕐᒥᔪᒍᑦ, ᐅᖃᕐᑕᐅᕋᑖᑫᓐᓇᑐᐃᑦ ᐃᑲᔪᕐᓯᒪᒍᓐᓇᐅᑎᐅᒐᓗᐊᕐᑎᓗᒋᑦ ᑭᓯᐊᓂ ᐃᑲᔪᕐᓯᒪᐅᑎᖃᒋᐊᓪᓚᕈᓐᓇᒥᔪᒍᑦ ᐅᑯᓂᖓ:

• ᐊᓯᑦᔨᑐᐃᒍᓐᓇᓃᑦ ᐊᑐᕈᒃ ᐃᓄᐃᑦ ᑭᖑᓪᓕᒥᒃ ᖃᖓᑕᓐᓇᓯᐅᓕᕐᒥᐸᑦ ᐊᓯᑦᔨᑐᐃᒍᓐᓇᒥᑦᓱᑎᓪᓗ ᐅᑎᕈᑎᑦᓴᑎᓐᓂᒃ, ᑌᒣᒋᐊᖃᑐᐊᕈᕕᑦ, ᐊᑭᓕᕆᐊᓪᓚᒍᓐᓀᓗᒋᑦ; ᐅᕝᕙᓘᓐᓃᑦ ᑮᓇᐅᔭᑎᒃ ᐅᑎᕐᑎᑕᐅᓗᑎᒃ ᖃᖓᑦᑕᐅᑎᑦᓴᓯᐊᕕᓂᕐᓄᑦ ᐊᑐᕐᓂᖏᑦᑕᓄᑦ ᐅᑎᕐᕕᐅᒍᑎᒋᓗᒋᑦ;
• ᐅᑎᕐᑎᓯᕕᐅᒍᓐᓇᑐᐃᓐᓇᒋᐊᖃᕐᐳᑎᑦ, ᐅᐸᑦᑕᓄᑦ ᑎᑭᑦᑎᕕᓂᐅᒍᕕᑦ ᑎᑭᕝᕕᒋᒋᐊᖃᕋᔭᕐᑕᕕᓂᕐᓄᑦ ᑎᑭᕚᓪᓗᑐᕕᓂᐅᒍᕕᑦ ᑫᕙᓪᓚᒍᓰᑦ/ᐃᑲᐅᓃᑦ ᐱᖓᓱᐃᑦ ᓈᓯᒪᓕᕐᑎᓗᒋᑦ, ᑕᒪᑐᒪᐅᑉ ᒥᑦᓵᓄᑦ ᖃᐅᔨᒋᐊᑦᓯᐊᕈᒪᔪᐃᑦ ᐊᐅᓚᔨᐊᕗᑦᑕ ᐃᓄᐃᑦ ᐃᑭᒍᑎᖏᑦᑕ ᐊᑭᓕᐅᕐᑕᐅᓯᒪᒍᑎᖏᓐᓂᒃ ᖃᐅᔨᒋᐊᑦᓯᐊᕈᓐᓇᑐᑦ.

  3-6 ᑫᕙᓪᓚᒍᓰᑦ/ᐃᑲᐅᕐᓃᑦ	$125
  6-9 ᑫᕙᓪᓚᒍᓰᑦ/ᐃᑲᐅᕐᓃᑦ	$250
  9+ ᑫᕙᓪᓚᒍᓰᑦ/ᐃᑲᐅᕐᓃᑦ	$500

ᑎᒻᒥᔪᕐᓂᐊᕕᒻᒥ ᐱᓇᓱᑦᑎᒥᒃ ᖃᐅᔨᒋᐊᕐᕕᖃᕈᓐᓇᑐᑎᑦ ᓂᕆᒐᑦᓴᑖᕈᑎᓂᒃ ᐱᒍᓐᓇᒪᖔᕐᐱᑦ, ᓯᓂᑦᑕᕕᒻᒥᓗ ᑐᔪᕐᒥᐅᒍᑎᖃᕐᑎᑕᐅᒍᓐᓇᒪᖔᑉᐱᑦ ᐊᒻᒪᓗ ᐊᐅᓚᒍᑎᑕᕐᑎᑕᐅᒍᓐᓇᒪᖔᕐᐱᑦ ᑎᒻᒥᔪᕐᓂᐊᕕᒻᒥᑦ ᐱᓗᑎᑦ ᐅᐸᒍᒪᔭᕐᓅᑎᑕᐅᒍᓐᓇᒪᖔᕐᐱᑦ ᐅᑎᒧᓪᓗ.

ᑭᖑᕙᕆᐊᕐᑎᑕᐅᑉᐸᑦ ᖃᖓᑦᑕᔫᖅ/ᑎᒻᒥᔫᖅ ᐃᐊ ᐃᓄᐃᒃᑯᑦ ᐊᐅᓚᒋᐊᓪᓚᕕᒋᒍᓐᓇᖏᑦᑕᖓᒍᑦ, ᓯᓂᑦᑕᕖᑦ ᓇᓪᓕᐊᓂ ᓯᓂᑦᑕᕕᑦᑖᕈᓐᓇᒪᖔᑦᓯ ᖃᐅᔨᑎᑦᓯᒍᓐᓇᑐᒍᑦ ᐊᑭᑭᑦᑑᒍᓐᓇᑎᑦᓯᔪᓂᒃ ᖃᐅᔨᒻᒫᕆᔭᐅᓂᑦᑎᓄᑦ ᓯᓂᑦᑕᕕᒻᒧᑦ, ᐊᑐᐃᓐᓇᖃᑐᐊᕐᐸᑦ.

* ᖃᖓᑦᑕᔫᒧᑦ/ᑎᒻᒥᔫᒧᑦ ᐃᑭᖁᔭᐅᖕᖏᑐᐃᑦ, ᐊᐅᓪᓚᕋᓱᐊᕐᓂᖏᑦ ᓄᕐᖃᑎᑕᐅᓲᑦ ᐅᕝᕙᓘᓐᓃᑦ ᑭᖑᕙᒋᐊᕐᑕᐅᓱᑎᒃ ᑫᕙᓪᓚᒍᓯᓐᓄᑦ/ᐃᑲᐅᕐᓃᓄᑦ ᒪᕐᕉᓄᑦ, ᐅᕝᕙᓘᓐᓃᑦ ᐃᑦᓯᕖᑦ/ᐃᕐᓯᕖᑦ ᐊᓯᐅᔪᕕᓂᐅᑐᐊᕐᐸᑦ ᓱᒃᑯᑕᐅᔪᕕᓂᐅᑐᐊᕐᐸᓘᓐᓃᑦ, ᑕᒪᒃᑯᐊ ᑲᒪᒋᔭᐅᒍᑎᖏᑦᑕ ᒪᓕᒐᖃᕐᕕᐅᒍᑎᖏᑦᑎᒍᑦ ᑲᒪᒋᔭᐅᒐᔭᕐᑐᑦ ᐊᒻᒪᓗ ᐅᑎᕐᑎᓯᕕᐅᒍᑕᐅᒍᓐᓇᓱᑎᒃ ᖃᖓᑦᑕᔪᒃᑰᑐᐃᑦ/ᑎᒻᒥᔪᒃᑰᑐᐃᑦ ᓴᐳᒻᒥᔭᐅᒋᐊᖃᕐᓂᖏᓐᓄᑦ ᒪᓕᒉᑦ ᐊᑐᕐᓱᒋᑦ. ᖃᐅᔨᒋᐊᑦᓯᐊᒍᒪᑐᐊᕈᑦᓯ ᐱᔪᓐᓇᐅᑎᒋᔭᑦᓯᓂᒃ ᖃᖓᑦᑕᔫᖁᑎᓕᓐᓄᑦ ᐅᖄᓚᕕᖃᕈᓐᓇᑐᓯ ᐅᕝᕙᓘᓐᓃᑦ ᑕᑯᒐᓱᐊᕈᓐᓇᓱᓯ ᑲᓇᑕᒥ ᐊᐅᓚᒍᑎᓕᕆᔩᑦ ᖃᕆᑕᐅᔭᒥᑦᑎᐊᖏᓐᓂᒃ.

If your flight is delayed on the tarmac after the doors of the aircraft are closed, we will do our best to ensure your comfort.

We will provide you with:

• Access to working lavatories;
• Proper ventilation and heating or cooling;
• Food and drink, in reasonable quantities, considering the length of the delay, the time of day and the location of the airport;
• A mean of communication with people outside the aircraft free of charge, when feasible;
• If you require urgent medical assistance during a tarmac delay, we will take all reasonable steps to facilitate its access.

After a 3-hour tarmac delay at an airport in Canada, the aircraft will return to the gate so you can disembark if safe to do so. A plane can stay on the tarmac for up to 45 additional minutes, if it is likely that it will take off within that period and we are able to continue providing the same services as above, when feasible.

If it is not likely that the plane can take off within the additional 45-minute window, the plane will return to the gate, unless it is prevented for reasons related to safety, security, customs control or air traffic control.

Depending on the circumstances, it may not be possible for us to allow you to disembark from the aircraft during a Tarmac Delay, for reasons including, but not limited to concerns related to safety, security, or due to directions by Air Traffic Control or Customs Control.

ᖃᖓᑦᑕᐅᑎᑦᓴᓯᐊᕕᓂᕐᐱᑦ ᐊᑭᖏᓐᓂᒃ ᐅᑎᕐᑎᑕᐅᖁᔨᑦᓴᓂᕈᕕᑦ, ᐊᐅᓪᓚᑎᑦᓯᕕᒋᒍᓐᓇᐸᑦᑎᒍᑦ ᖃᕆᑕᐅᔭᑎᒍᑦ ᐊᓪᓚᖃᑦᑕᐅᑎᒍᑎᒃᑯᑦ ᐊᓪᓚᓯᒪᑎᓪᓗᒍ ᖃᖓᑦᑕᔫᒃᑯᑦ ᐊᐅᓪᓚᕈᑎᑦᓴᑕᕐᑐᕕᓂᐅᑉ ᐊᑎᖓ, ᖃᖓᑕᓐᓇᐅᑉ ᑭᓯᑦᓯᒍᑎᖓ, ᖃᖓᑦᑕᐅᑎᑦᓴᑕᕕᓂᐅᑉ ᑭᓯᑦᓯᒍᑎᖓ ᐊᒻᒪᓗ ᐊᐅᓪᓚᕕᑦᓴᕕᓂᖓᑕ ᐅᓪᓗᖓ ᐅᕝᕙᓘᓐᓃᑦ ᐊᓪᓚᓯᒪᔪᖕᖑᐃᒍᑎᖃᑐᐃᓐᓇᓗᑎᑦ ᑮᓇᐅᔭᓂᒃ ᐅᑎᕐᑕᐅᒍᑎᑦᓴᔭᐅᑦᓱᓂ ᐊᓪᓚᓯᒪᔪᖕᖑᐃᕕᒻᒥᒃ.

ᖃᐅᔨᒪᑦᓯᐊᕆᑦ ᑐᖕᖓᕕᒋᓗᒋᑦ ᖃᖓᑦᑕᐅᑎᑦᓴᑖᕕᓂᕐᐱᑦ ᖃᓄᐃᓕᖓᓂᖏᑦ, ᑮᓇᐅᔦᑦ ᐅᑎᕐᑎᑕᐅᔪᑦ ᖃᓄᐃᓕᖓᓂᖏᑦ ᐊᑦᔨᒌᖕᖏᑐᒍᓐᓇᒪᑕ. ᖃᖓᑦᑕᐅᑎᑦᓴᓯᐊᕕᓃᑦ ᐃᓚᖏᑦ ᐃᓗᐃᑦᑐᒥᒃ 100%-ᒥᒃ ᐅᑎᕐᑎᑕᐅᒍᓐᓇᑐᑦ ᑭᓯᐊᓂ ᐃᓚᖏᑦ ᐊᑭᖃᕆᐊᓖᑦ ᐅᕝᕙᓘᓐᓃᑦ ᐅᑎᕐᑎᑕᐅᒍᓐᓇᖏᑦᑐᓚᕆᐅᓗᑎᒃ.