ᐱᐊᕋᑦᓴᖃᕐᓱᑎᒃ/ᓄᑕᕋᑦᓴᖃᕐᓱᑎᒃ ᐊᐅᓪᓚᓚᖓᔪᐃᑦ

ᐃᓘᓐᓈᒍᑦ ᐃᓱᒪᒋᑦᓱᒋᑦ, ᐱᐊᕋᑦᓴᖃᓕᕐᑐᐃᑦ/ᓄᑕᕋᑦᓴᖃᓕᕐᑐᐃᑦ ᐱᓇᓱᐊᕈᓯᕐᓂ 36-ᓂᒃ ᐊᑦᑕᓇᖕᖏᓂᕋᕐᑕᐅᕗᑦ ᐊᐅᓪᓚᕋᓗᐊᕈᑎᒃ ᖃᖓᑦᑕᔫᒃᑯᑦ/ᑎᒻᒥᔫᒃᑯᑦ. ᑭᓯᐊᓂ ᑌᒣᒃᑲᓗᐊᑎᓗᒍ, ᐋᓐᓂᐊᓯᐅᕐᑎᒥᓂᒃ ᑐᑭᓯᒋᐊᕐᕕᖃᕐᖄᖁᔨᔪᒍᑦ ᐊᐅᓪᓚᕈᑎᑦᓴᒥᓂᒃ ᐊᑐᐃᓐᓇᕈᕐᑎᒋᐊᓯᓚᐅᖕᖐᓈᕐᓗᑎᒃ.

 ᐱᐊᕋᑦᓴᓕᒻᒥᒃ ᐱᐊᕋᕐᑖᕆᐊᕕᓕᕐᑐᒥ ᐊᐅᓪᓚᑐᖃᓚᖓᑉᐸ ᐃᓅᓕᔨᐊᖃᕐᕕᓴᖓ ᐅᓪᓗᓂ 7-ᓂ ᐊᓂᒍᕐᐸᓕᐊᔪᓂ ᐊᑑᑎᓛᕐᑎᓗᒍ, ᐃᓄᐃᑦᑯᑦ ᐱᑎᑕᐅᒪᒋᐊᖃᕐᐳᑦ ᐋᓐᓂᐊᓯᐅᕐᑎᒪᕆᐅᑉ ᐊᓪᓚᓯᒪᔪᑎᒍᑦ ᐱᔪᓐᓇᓂᕃᒍᑎᖏᓐᓂᒃ, ᐅᓪᓗᑕᕐᑕᐅᒪᔪᓂᒃ ᑫᕙᓪᓚᒍᓯᓂ 72-ᓂᒃ ᐊᐅᓪᓚᕕᑦᓴᖓ ᓇᓪᓕᐅᑎᓚᐅᕐᑎᓇᒍ, ᐊᓪᓚᓯᒪᔪᕐᑕᖃᕐᓗᑎᒃ ᐱᐊᕋᕐᑕᓛᕐᑑᑉ ᖃᐅᔨᓴᕐᑕᐅᓯᒪᓂᕋᕐᑕᐅᒍᑎᖏᓐᓂᒃ ᐊᒻᒪᓗ ᖃᓄᐃᖕᖏᓂᕃᔪᓂᒃ ᖃᖓᑦᑕᔫᒃᑯᑦ ᐊᐅᓚᓂᖃᓚᖓᒋᐊᖓ (ᓄᓇᓕᒻᒥᑦ) (ᓄᓇᓕᒻᒧᑦ) ᐅᕙᓂ (ᐅᓪᓗᖓᓂ) ᓄᑕᕋᑦᓴᖓᓗ ᐃᓅᓕᕐᕕᖃᓛᕆᐊᖓ (ᐅᓪᓗᖓᓂ). ᐋᓐᓂᐊᓯᐅᕐᑎᒪᕆᐅᑉ ᐊᓪᓚᓯᒪᔪᓕᐊᕕᓂᖓᑕ ᐊᑦᔨᖓ ᖃᖓᑦᑕᐅᑎᑕᕐᕕᒧᑦ ᐁᑦᑐᑎᒋᒋᐊᓕᒃ ᐊᐅᓪᓚᕆᐊᕐᑐᓕᕐᐸᑦ ᓄᑕᕋᑦᓴᓕᒃ.