ᐱᑕᖃᕆᐊᖃᓪᓚᕆᑦᑐᑦ ᐊᓪᓚᖁᑏᑦ
ᒥᕝᕕᓕᐊᓚᐅᓇᒃ, ᐱᓯᒪᒋᐊᓕᓕᒫᕐᓃᕕᑦ ᓇᔪᕐᑎᖃᑦᓯᐊᒪᖔᕐᐱᑦ ᖃᐅᔨᒪᒐᓱᐊᑦᓯᐊᕆᐊᖃᕐᐳᑎᑦ, ᑭᓇᐅᓂᕐᓂᐅᕕᑦ/ᑭᓇᐅᓂᕐᓃᕕᒃ ᓱᕐᖁᐃᓇᕐᑎᓯᒍᑎᓂᒃ ᐊᒻᒪᓗ ᐊᐅᓚᒍᑎᑦᓴᓂᒃ ᐊᓪᓚᓯᒪᔪᓂᒃ ᐱᖁᔭᕐᑎᒍᑦ ᐱᔭᐅᓯᒪᒋᐊᓕᓐᓂᒃ. ᑕᒪᒃᑯᓂᖓ ᐱᑕᖃᖕᖏᑐᐃᑦ, ᖃᖓᑦᑕᔫᒧᑦ/ᑎᒻᒥᔫᒧᑦ ᐃᑭᑎᑕᐅᕐᖃᔭᖕᖏᑐᑦ.
ᑲᕙᒪᒃᑯᑦ ᒪᓕᒐᖏᑦ ᒪᓕᑦᑕᐅᒋᐊᖃᕐᒪᑕ, ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ ᐃᑭᓚᖓᔪᐃᑦ ᑭᓇᐅᓂᖏᓐᓂᒃ ᓱᕐᖁᐃᓇᕐᑎᓯᒍᑎᖃᑦᓯᐊᕆᐊᓖᑦ ᐅᑭᐅᖃᕈᓇᐅᑐᐊᕐᐸᑦ 18-ᓂᒃ ᐅᖓᑖᓄᓗᓐᓃᑦ.
18 ᒥᑦᓯᑎᒍᑦ ᐅᑭᐅᓖᑦ, ᐅᓐᓂᑑᑎᒋᔭᐅᖏᓐᓈᑐᖅ (ᑭᓯᐊᓂ ᐊᑑᑎᔭᐅᓪᓚᕆᒋᐊᖃᖕᖏᑲᓗᐊᕐᑎᓗᒍ) ᑮᓇᐅᓂᕐᒥᓂᒃ ᓱᕐᖁᐃᓇᕐᑎᓯᒍᑎᓂᒃ ᐊᓪᓚᓯᒪᔪᓂᒃ ᐱᑕᖃᕆᐊᖃᕐᑐᖁᑎᒋᔭᕗᑦ, ᐅᑦᑑᑎᒋᓗᒍ ᐃᓅᓕᕐᕕᕕᓂᖓᓂᒃ ᐃᓕᑕᕆᔭᐅᒍᑎᒥᒃ.
ᖃᐅᔨᒪᔭᐅᒋᐊᓕᒃ ᐃᑭᓚᖓᔫᑉ ᐊᑎᖓ ᐃᑭᒍᑎᒋᓚᖓᔭᖓᓄᑦ ᐊᑦᔨᒋᔭᐅᒋᐊᓕᒃ ᐊᓪᓚᑕᐅᓯᒪᓂᖓ. ᐊᑦᔨᒌᖕᖏᓂᖃᒐᓛᐱᑐᐊᕐᐸᑦ ᖃᖓᑦᑕᔫᒧᑦ/ᑎᒻᒥᔫᒧᑦ ᐃᑭᑎᑕᐅᕐᖃᔭᖕᖏᑐᖅ.
ᖃᖓᑦᑕᔫᒧᑦ/ᑎᒻᒥᔫᒧᑦ ᐃᑭᓚᐅᕋᑎᒃ ᐅᑯᐊ ᓇᓪᓕᖏᓐᓂᒃ ᐱᑕᖃᕆᐊᓖᑦ ᐃᑭᓚᖓᔪᑦ:
- ᐊᑕᐅᓯᕐᒥᒃ (1) ᑲᕙᒪᒃᑯᓂᑦ ᐱᓯᒪᔪᒥᒃ ᑭᓇᐅᓂᖓᓂᒃ ᐊᑦᔨᖑᐊᕐᑕᓕᒻᒥᒃ ᐊᑎᖓᓂᓪᓗ ᐊᓪᓚᓯᒪᑦᓯᐊᑐᒥᒃ, ᐃᓅᓕᕐᕕᖓᓂᓗ ᐊᒻᒪᓗ ᐊᖑᑎᐅᒻᒪᖔᑦ ᐊᕐᓇᐅᒪᖔᓪᓘᓃᑦ ᓇᓗᓀᕐᓯᓯᒪᑦᓯᐊᑐᒥᒃ ᐅᕝᕙᓘᓐᓃᑦ;
- ᒪᕐᕉᓂᒃ (2) ᑲᕙᒪᒃᑯᓂᑦ ᐱᓯᒪᔫᓐᓂᒃ ᑭᓇᐅᓂᖓᓂᒃ ᐊᓪᓚᓯᒪᑦᓯᐊᑐᓐᓂᒃ ᐊᑦᔨᖑᐊᕐᑕᖃᖕᖕᑑᓐᓂᒃ, ᐁᑉᐸᖓ ᐊᑎᖓᓂᒃ ᐃᓅᓕᕐᕕᕕᓂᖓᓂᓗ ᐊᒻᒪᓗ ᐊᖑᑎᐅᒻᒪᖔᑦ ᐊᕐᓇᐅᒪᖔᓪᓘᓃᑦ ᓇᓗᓀᕐᓯᓯᒪᑦᓯᐊᑐᒥᒃ.
ᑲᕙᒪᒃᑯᓂᑦ ᐱᓯᒪᔪᐃᑦ ᐃᓅᑉ ᑭᓇᐅᓂᖓᓂᒃ ᓱᕐᖁᐃᓇᕐᑎᓯᒍᑎᓂᒃ ᐊᑐᕐᑕᐅᒍᓐᓇᑐᓂᒃ ᐆᑦᑑᑏᑦ ᑕᑲᒃᑯᐊ:
- ᑲᓇᑕᐅᑉ ᓯᓚᑖᓅᕈᓐᓇᐅᑎ
- ᓇᓂᒥᐅᒍᓂᖓᓂᒃ ᓇᓗᓀᕐᓯᒍᑎ
- ᓄᓇᒋᓪᓚᕆᑦᑕᖓᓂᒃ ᓇᓗᓀᕐᓯᒍᑎ
- ᐊᖁᒍᓐᓇᐅᑎ
- ᓄᓇᖃᕐᕕᒥᓂ ᐃᓗᓯᓕᕆᔭᐅᒍᑎᒃ (ᓯᕿᓂᖕᖑᐊᖅ)
ᐊᐅᓚᒍᑎᓕᕆᔨᒻᒪᕇᑦ ᑲᓇᑕᒥ ᖃᕆᑕᐅᔭᒥᑦᑎᐊᖏᑦ ᑕᑯᒐᓱᐊᕐᑕᐅᒍᓐᓇᑐᑦ ᓇᓗᓀᕐᓯᒪᔭᖏᓐᓂᒃ ᓯᑯᑦᓴᔭᓂᒃ ᐊᓪᓚᓯᒪᔪᖁᑎᒋᔭᐅᒋᐊᓕᓐᓂᒃ ᐊᓪᓚᓯᒪᑦᓯᐊᒪᑕ ᖃᖓᑦᑕᔫᒃᑯᑦ/ᑎᒻᒥᔫᒃᑯᑦ ᐊᐅᓚᓚᖓᔪᓄᑦ ᑲᓇᑕᒥ ᐊᑐᕐᑕᐅᒋᐊᓕᓐᓂᒃ.
Lost your ID?
If you are a Nunavik beneficiary and have no valid ID you can contact the Nunavik Enrolment Office during working hours. Outside regular working hours you can contact this phone number 1-866-313-2354, to possibly obtain a temporary attestation from the RAMQ.
ᐊᐅᓪᓚᑐᐃᓐᓇᕆᐊᖃᓕᕐᖀᑦ?
ᖃᕆᑕᐅᔭᑎᒍᑦ ᐃᑭᒍᑎᑦᓴᑖᕆᑦ