ᐃᓄᐃᑦ ᖃᖓᑦᑕᔫᖏᓐᓂᒃ ᐊᑑᑎᔭᖃᕐᓯᒪᓂᖅ
ᐃᓄᐃᑦ ᖃᖓᑦᑕᔫᖏᑦᑕ/ᑎᒻᒥᔫᖏᑦᑕ ᐊᑑᑎᓯᒪᓕᕐᑕᖏᑦ
ᓄᐃᑕᐅᓕᓚᐅᕐᓯᒪᒐᒥᓂᑦ 1978-ᒥ, ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ ᐊᒥᓱᖕᖑᓚᕆᑦᓯᒪᔪᐊᓘᓂᕐᒥᓄᑦ ᑯᐯᒃ ᑕᕐᕋᓕᒫᖓᓂ ᐊᐅᓚᕕᖃᓲᒍᓕᕐᑐᑦ. ᐊᕐᕌᒍᓂ ᐊᓂᒍᓕᕐᑐᓂ, ᐊᕐᓱᕈᓐᓇᑐᒃᑰᓈᕐᑐᓂᒃ ᐊᕐᖁᓵᖃᑦᑕᓕᓚᐅᕐᓱᑕ ᑭᓯᐊᓂ ᐱᐅᓯᒥᒋᐊᕐᐸᓱᒋᑦ ᐋᕐᕿᒋᐊᕆᐊᖃᕐᑐᖁᑎᒋᔭᕗᑦ ᐋᕐᕿᒋᐊᕈᑎᒋᕙᑦᓱᒋᓪᓗ, ᑌᒣᓗᑉᐸᓱᑕ ᐊᕐᕌᒍᖃᑦᑕᓯᒪᔪᓂ ᐱᒍᓐᓇᓂᕐᑖᕈᑎᒋᓪᓚᕆᖃᑦᑕᓯᒪᔭᕗᑦ ᐊᒻᒪᓗ ᑐᖕᖓᕕᓕᐅᕈᑎᒋᓚᕿᑦᓱᒋᑦ ᐃᓄᐃᑦ ᐅᓯᔭᕗᑦ ᐊᑦᑕᓇᖕᖏᑐᕐᑎᒍᑦ ᐃᓱᐊᕐᑐᑎᒍᓪᓗ ᐊᐅᓚᒍᓐᓇᖁᒧᑦ, ᐊᒻᒪᓗ ᖃᖓᑦᑕᔫᖁᑎᕗᑦ/ᑎᒻᒥᔫᖁᑎᕗᑦ ᑲᒪᒋᔭᐅᑦᓯᐊᖏᓐᓇᖁᒧᑦ. ᐊᔪᐃᓐᓇᓚᕿᒍᑎᖃᓲᖑᕗᒍᑦ ᐊᐅᓚᓚᔪᓄᑦ ᐊᑦᔨᒋᔭᐅᒐᓛᖕᖏᑐᓂᒃ ᐊᑑᑎᑎᑦᓯᓲᖑᓂᑦᑎᓄᑦ, ᓲᕐᓗ ᓂᕈᒥᑦᑐᐊᐱᑦᑎᒍᑦ ᐊᒻᒪᓗ ᐃᓄᑐᐃᓐᓇᓄᑦ ᐱᔪᕆᐅᑎᓪᓚᕆᐅᑦᓱᑕ.
ᐊᑦᑕᓇᖕᖏᑐᒦᒋᐊᖃᕐᓂᖅ ᓯᕗᓪᓕᐸᐅᕗᖅ
ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ, ᓯᕗᓪᓕᐸᐅᑦᔨᓲᖑᕗᑦ ᐃᓄᓐᓂᒃ ᐅᓯᔭᒥᓂᒃ ᐊᑦᑕᓇᖕᖏᑐᒦᒋᐊᖃᕐᒪᑕ. ᑌᒣᒃᑲᑕ ᐊᑦᑕᓇᖕᖏᑐᒦᑦᑎᓯᒍᑎᑦᓴᓂᒃ ᐱᐅᓂᕐᐹᓯᐊᓂᒃ ᓄᑖᒍᓂᕐᐸᐅᓱᑎᓪᓗ ᐊᑦᑕᓇᖕᖏᑐᒦᑦᑎᓯᒍᑎᑦᓴᓂᒃ ᐋᕐᕿᓱᕐᓯᒪᐅᑎᖃᓲᖑᔪᒍᑦ ᓯᓚᕐᔪᐊᒥ ᖃᖓᑦᑕᔫᓕᕆᓂᕐᒥ ᐊᑑᑎᔭᐅᒐᑦᓴᓕᐊᖑᓯᒪᔪᓂᒃ ᐱᐅᓂᕐᓴᒪᕆᐊᓗᓐᓂᒃ. ᖃᖓᑦᑕᔫᒥᓪᓗ/ᑎᒻᒥᔫᒥᓪᓗ ᐱᓇᓱᖃᑎᒌᑦ ᐊᐅᓚᑎᓪᓗᓯ ᐃᓱᒫᓗᓐᓇᖏᑦᑐᑰᕐᑎᓯᑦᓯᐊᕋᓱᐊᓲᒍᑦᓱᑎᒃ.
ᖃᖓᑦᑕᔫᑦ/ᑎᒻᒥᔫᑦ ᓴᓇᔭᐅᓯᒪᕗᑦ ᐃᓱᐊᕐᕆᖁᓪᓗᓯ
ᖃᖓᑦᑕᔫᖁᑎᕗᑦ/ᑎᒻᒥᔫᖁᑎᕗᑦ ᖃᐅᔨᒪᔭᐅᒍᑎᖃᓪᓚᕆᑉᐳᑦ, ᖃᖓᑦᑕᔫᑦᓯᐊᒪᕆᐊᓘᒋᐊᖏᑦ ᐃᖏᕐᕋᒍᓐᓇᓯᐊᕐᓱᑎᒃ, ᐃᓚᒋᔭᐅᑎᓪᓗᒋᑦ ᐳᔪᓖᑦ Boeing 737-200-ᓖᑦ ᐊᒻᒪᓗ ᐸᒻᐸᓂᐊᒍᑦᓱᑎᒃ ᐊᖏᕐᓂᕐᓭᑦ Dash 8-300-ᓖᑦ. ᑕᒪᕐᒥᓗ ᐊᒥᓲᓂᕐᓴᓂᒃ ᐅᓯᒍᓐᓇᓯᔭᐅᓯᒪᑦᓱᑎᒃ ᐅᓯᕕᖏᑦ ᐋᕐᕿᒋᐊᕐᑕᐅᓯᒪᓂᖏᓐᓄᑦ ᐊᒻᒪᓗ ᐅᑭᐅᒥ ᐅᓀᑦᑐᒥ ᐊᑐᕈᓐᓇᓂᕐᓴᐅᓂᐊᕐᒪᑕ ᐋᕐᕿᓱᕐᑕᐅᓯᒪᑦᓱᑎᒃ, ᐃᓱᐊᕐᓂᓴᐅᓕᕐᑎᓱᒋᑦ ᐃᓄᓐᓄᑦ ᐅᓯᔭᑦᑎᓄᑦ.
ᐆᓇᕐᑐᐃᑦ ᓂᕆᔭᑦᓭᑦ ᐅᖁᒻᒥᓗᒐᑦᓭᓗ
ᐊᑭᖃᖕᖏᑐᓂᒃ ᐃᒥᕋᑦᓴᖃᕐᑎᓯᓲᖑᓂᕗᑦ ᐆᓇᕐᑐᓂᓗ ᓂᕆᔭᑦᓴᖃᕐᑎᓯᓲᖑᓂᕗᑦ ᐊᑯᓂ ᖃᖓᑕᓚᖓᔪᓂᒃ, ᐃᓄᐃᑦ ᖃᖓᑦᑕᔫᖏᑦᑕ/ᑎᒻᒥᔫᖏᑦᑕ ᐃᓚᖏᑦ ᐅᖁᒻᒥᓗᒐᑦᓴᖃᓲᑦ, ᖃᐅᔨᒪᔭᐅᒻᒪᕆᑦᑐᓂᒃ (“ᐸᓂᕐᑎᑕᓂᒃ” ᐃᓄᒃᑎᑐᑦ ᓚᔭᐅᓲᓂᒃ), ᐅᕝᕙᓘᓐᓃᑦ “ᐅᑭᐅᕐᑕᑐᒥᐅᑦ ᓂᐊᖁᔭᖓ” ᓚᔭᐅᓲᒍᑦᓱᑎᒃ ᐸᓂᕐᑎᑕᕐᑐᑎᑦᓯᓲᒍᒻᒥᔪᑦ. ᐃᓄᐃᑦ ᓂᕿᓕᐅᕈᓯᖏᓐᓂᒃ ᖃᐅᔨᑎᑦᓯᒋᐊᖕᖓᕈᑎᒋᒐᓱᐊᕐᓱᒋᑦ ᐃᓕᑦᓯᓂᒃ.
ᐱᒍᓐᓇᓚᕆᑦᓱᑎᒃ ᐃᓄᑦᓯᐊᒪᕆᐅᑦᓱᑎᓪᓗ ᐱᓇᓱᑦᑏᑦ
ᐊᑐᓂᑦᓯᐊᖅ ᐃᓘᓐᓇᑎᒃ ᐱᓇᓱᑦᑎᕗᑦ ᐱᒋᐅᕐᓴᑎᑕᐅᓂᖃᑦᓯᐊᓲᖑᕗᑦ ᐱᓇᓱᒐᕆᓚᖓᔭᒥᓂᒃ ᐱᒋᐊᓚᐅᕋᑎᒃ. ᓄᓇᒥ ᐱᓇᓱᑦᑎᐅᓚᖓᒐᓗᐊᕈᑎᒃ ᖃᖓᑦᑕᔫᒥᓘᓐᓃᑦ/ᑎᒻᒥᔫᒥᓘᓐᓃᑦ, ᓈᒻᒪᒋᔭᐅᖕᖏᑑᒋᐊᓪᓚᕕᖃᑦᔭᖏᑦᑐᓂᒃ ᐊᑑᑎᖃᕐᑎᓯᓂᖃᓲᖑᕗᒍᑦ ᓲᓱᒋᔭᐅᓂᕐᐸᐅᓱᑕ ᖃᖓᑦᑕᔫᓕᕆᔨᐅᓂᑦᑎᒍᑦ.
ᖃᖓᑕᓗᓂ ᐊᓕᐊᖕᖑᐊᕈᑏᑦ
ᓄᑖᓂᒃ ᖃᖓᑕᓗᓂ ᐅᓚᐱᕐᓴᐅᑎᖃᓕᕋᑦᑕ, ᐊᑐᕋᑦᓴᓂᒃ ᓇᓪᓕᑳᕈᑕᐅᓯᒪᔪᓂ B737-ᓄᑦ ᓱᐴᕐᑐᓕᓐᓄᑦ ᐊᒻᒪᓗ ᑖᔅ 8-ᓄᑦ ᖃᖓᑕᑦᓯᒍᑎᓂ 30-ᓄᑦ ᑕᕐᓵᐱᓐᓄᑦ ᐅᖓᑖᓄᓪᓘᓃᑦ, ᕿᒥᕐᕈᐊᒐᕐᓂᒃ ᐊᑐᐊᕐᓯᒍᓐᓇᓕᕐᑐᑎᑦ, ᐱᖕᖑᐊᕈᑎᕐᓗᑎᓪᓘᓃᑦ ᐅᕝᕙᓘᓐᓃᑦ ᑕᕐᕋᓕᔮᕈᓐᓇᓕᕐᓱᑎᑦ ᐊᒻᒪᓗᑏᕖᒃᑯᑦ ᓄᐃᑕᔪᓂᒃ ᑕᑯᓐᓇᕈᓐᓇᓱᑎᑦ ᐃᑯᒪᐅᒻᒨᑐᒧᑦ ᐊᑐᕈᒪᔭᕐᓅᕕᑦ.
ᑐᑭᓯᒋᐊᒃᑲᓂᕈᒪᒍᕕᑦ ᑕᑯᒋᐊᕐᓗᒋᑦ ᖃᖓᑕᓐᓇᓯᐅᕐᑐᓂᒃ ᐱᑦᔪᔨᒍᑏᑦ ᐊᕕᑦᑐᓯᒪᐅᑎᖏᑦ
ᑕᑯᒋᐊᕐᓗᒋᑦ ᖃᖓᑕᓐᓇᓯᐅᕐᑐᓂᒃ ᐱᑦᔪᔨᒍᑏᑦ ᐊᕕᑦᑐᓯᒪᐅᑎᖏᑦ